Юльян Корсак

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Юльян Корсак
Юльян Корсак
Юльян Корсак
Асабістыя зьвесткі
Нарадзіўся 13 лютага 1806
Слонім
Памёр 30 жніўня 1855
Жонка Юзэфа Мацкевіч
Літаратурная дзейнасьць
Род дзейнасьці паэт і перакладчык.
Мова польская мова

Юльян Корсак (13 лютага 1806, Слонім — 30 жніўня 1855) — польскамоўны паэт і перакладчык. Сябра Адама Міцкевіча і Антонія Эдварда Адынца, зь якімі вёў ліставаньне.

Біяграфія[рэдагаваць | рэдагаваць крыніцу]

Сядзіба Корсакаў у Страле на малюнку Напалеона Орды.

Прадстаўнік шляхецкага роду Корсакаў гербу «Ліс», сын Яна і Караліны з Ордаў[1].

Навучаўся ў Шчучынскай школе піяраў і Віленскім ўнівэрсытэце (1823—1826). У 1829 годзе жыў у Санкт-Пецярбургу. У 1830 годзе вярнуўся ў свой маёнтак Стралу (цяпер Дзятлаўскі раён). Ажаніўся зь Юзэфай Мацкевіч. Апошнія гады жыў у Наваградку.

Аўтар зборнікаў «Вершы» (1830, 2-е выд. 1836) і «Новыя вер­шы» (т. 1—2, 1840), якія зьмяшчаюць і творы беларускай тэматыкі: «Да Нёма­на», «Да І(гната) Д(амейкі)» і інш. Пад уплывам творчасьці Адама Міцкевіча засвоіў рамантычны стыль лірычнай паэзіі, у якім выкарыстоўваў клясычныя і беларускія фальклёрныя матывы. Перакладаў на поль­скую мову Піндара, Вэргіліюса, Гарацыюса, Дантэ, Фрыдрыха Шылера, Джорджа Байрана, Ўільяма Шэксьпіра.

Некаторыя вершы Юльяна Корсака («Пілігрым», «Баркарола») паклаў на музыку Станіслаў Манюшка. Уладзіслаў Сыракомля прысьвяціў Ю. Корсаку артыкул «Нататкі з дзіцячых уражаньняў» (1853).

Крыніцы[рэдагаваць | рэдагаваць крыніцу]

  1. ^ Morawiecka Z. Korsak Julian // Polski Słownik Biograficzny. T. 14. — Wrocław — Warszawa — Kraków: Zakład Narodowy im. Ossolińskich, 1969. S. 108–110.

Літаратура[рэдагаваць | рэдагаваць крыніцу]

  • Да Нёмана: верш // Раса нябёсаў на зямлі тутэйшай: Бел. польскамоўн. паэзія XIX ст.: (Зборнік) / Уклад., прадм. і камент. У. Мархеля. — Менск, 1998.