Эрык-Эманюэль Шміт
| Эрык-Эманюэль Шміт | |
 | |
| Асабістыя зьвесткі | |
|---|---|
| Нарадзіўся | 28 сакавіка 1960 (64 гады) Сэн-Фўа-лес-Ліён |
| Літаратурная дзейнасьць | |
| Род дзейнасьці | драматург, філёзаф, перакладнік, сцэнарыст, пісьменьнік, кінарэжысэр, актор, навэліст, сцэнарыст коміксаў, навэліст |
| Гады творчасьці | 1991 — дагэтуль |
| Мова | француская |
| Значныя творы | «Аскар і Матухна Ружа» |
| Узнагароды | |
| http://www.eric-emmanuel-schmitt.net/ | |
Эрык-Эманюэль Шміт (па-француску: Éric-Emmanuel Schmitt; нарадзіўся 28 сакавіка 1960 году) — францускі пісьменьнік і драматург. Ягоныя п’есы перакладзеныя на сорак моваў сьвету і ставіліся ў больш чым пяцідзесяці краінах[1].
Біяграфія
[рэдагаваць | рэдагаваць крыніцу]Нарадзіўся ў сям’і школьных настаўнікаў фізыкі з Эльзасу. У дзяцінстве займаўся музыкай, іграў на фартэпіяна. Пакінуў намер стаць кампазытарам паступіўшы ў ліцэй(fr) у Ліёне, дзе настаўнікі заўважылі і падахвочвалі ягоны літаратурны талент. Зрэшты, паралельна з заняткамі, працягваў наведваць урокі музыкі пры Ліёнскай кансэрваторыі.
У 1980—1985 гадах Шміт вучыўся на факультэце філязофіі Вышэйшай нармальнай школы ў Парыжы. У 1986 годзе абараніў доктарскую дысэртацыю «Дыдро і мэтафізыка» (Diderot et la métaphysique). Затым цягам некалькіх гадоў выкладаў філязофію ў ліцэі Шэрбуру і ва ўнівэрсытэце Шамбэры.
Эрык-Эманюэль Шміт жыве і працуе ў Брусэлі, а з 2008 году мае акрамя францускага яшчэ і бэльгійскае грамадзянства[2]. Выхаваны ў духу атэізму, пэўны час вызнаваў агнастыцызм, але аднядаўна аўтар прызнаў істотнасьць рэлігіі ў сваёй творчасьці і абвясьціў сябе хрысьціянінам. У 2000 годзе выйшаў яго раман «Эвангельле паводле Пілята».
Беларускія пераклады
[рэдагаваць | рэдагаваць крыніцу]На беларускую мову раман «Эвангельле паводле Пілята» пераклаў Андрэй Хадановіч.
- Евангелле паводле Пілата: раман / Эрык-Эманюэль Шміт. — Мінск : Зміцер Колас, 2012. — 204, [1] с. — (Littera scripta).
Крыніцы
[рэдагаваць | рэдагаваць крыніцу]- ^ Эрык-Эманюэль Шміт, афіцыйная старонка
- ^ Loi du 28 juillet 2008 Moniteur belge.
Вонкавыя спасылкі
[рэдагаваць | рэдагаваць крыніцу]
Эрык-Эманюэль Шміт — сховішча мультымэдыйных матэрыялаў
- Эрык-Эманюэль Шміт (анг.) на сайце IMDb
- Эрик-Эмманюэль Шмитт (рас.) на Livelib