Эндру Ўігінз
| Эндру Ўігінз | ||
.jpg)
| ||
| Пазыцыя: | лёгкі форвард | |
| Рост: | 203 см | |
| Вага: | 91 кг | |
| Грамадзянства: | ||
| Нарадзіўся: | 23 лютага 1995 (30 гадоў) | |
| Альма-матэр: | ||
| Драфт | ||
|
1, драфт НБА 2014 году | ||
| Клюбная інфармацыя | ||
|---|---|---|
| Клюб | Маямі Гіт | |
| Нумар | 22 | |
| Клюбы | ||
| Гады | Клюб | |
| 2013—2014 | Kansas Jayhawks men's basketball[d] | |
| 2014—2020 | Мінэсота Тымбэрўулвз | |
| 2020—2025 | Голдэн Стэйт Ўорыярз | |
| 2025— | Маямі Гіт | |
| Асабістыя ўзнагароды і дасягненьні | ||
| Статыстыка на NBA.com | ||
Эндру Ўігінз (па-ангельску: Andrew Wiggins; нар. 23 лютага 1995 году, Таронта, Антарыё, Канада) — канадзкі прафэсійны баскетбаліст, які выступае за «Маямі Гіт» у Нацыянальнай баскетбольнай асацыяцыі. Быў абраны пад першым нумарам на драфце НБА 2014 году клюбам «Кліўлэнд Кавальерз».
Кар’ера
[рэдагаваць | рэдагаваць крыніцу]Ўігінз быў заяўлены на драфт НБА 2014 году 31 сакавіка 2014 году[2]. Быў абраны пад першым агульным нумарам на драфце клюбам «Кліўлэнд Кавальерз»[3], стаўшы толькі другім канадцам, абраным пад нумарам адзін на драфце пасьля Энтані Бэнэта, які быў абраны на драфце годам раней таксама кліўлэндзкім клюбам[4]. 23 жніўня завяршыўся абмен паміж трыма камандамі з удзелам «Кавальерз», «Мінэсотай Тымбэрўулвз» і «Філадэлфія 76эрз». Паовдле ўгоды Ўігінз і Бэнэт былі перададдзеныя ў клюб зь Мінэсоты разам з Тадэўсам Янгам.
31 студзеня 2015 году набраў 33 пункты ў матчы супраць «Кліўлэнд Кавальерз». 13 лютага ўзяў удзел у гульні Навак году НБА падчас матчу усіх зорак і здабыў прыз як самы каштоўны гулец[5]. Па завяршэньні свайго дэбютнага сэзону ў лізе атрымаў узнагароду як найлепшы навак году НБА[6]. 9 лістапада 2015 году паўтарыў свой выніковы рэкорд, набраўшы 33 пункты ў матчы супраць «Атланты Гокс». 8 студзеня 2016 году ў матчы супраць «Кліўлэнда» зарабіў 35 пунктаў[7]. 8 лістапада 2016 году набраў 36 пунктаў у матчы супраць «Бруклін Нэтс»[8], а празь пяць дзён у гульні супраць «Лос-Анджэлес Лэйкерз» набраў 47 пунктаў, стаўшы першым канадцам, які здолеў назьбіраць больш за 40 пунктаў у матчы НБА[9]. 7 лютага 2018 году ў гульні супраць «Кліўлэнду» ён перасягнуў адзнаку ў 6 тысяч пунктаў у сваёй кар’еры, стаўшы шостым самым маладым гульцом у гісторыі лігі, якому гэта ўдалося. 24 лістапада 2018 году скончыў гульню з «Чыкага Булз», не набраўшы аніводнага пункту, упершыню ў сваёй кар’еры. За матч ён зрабіў безвыніковых 12 кідкоў. 18 студзеня 2019 году пераадолеў рэкорд Сэма Мітчэла у 7161 пунктаў, стаўшы найлепшым бамбардзірам клюбу за ўсю гісторыю. 18 студзеня 2020 году ён зрабіў свой першы ў кар’еры трыпл-дабл, набраўшы 18 пунктаў, 10 падбораў і 11 перадач.
6 лютага 2020 году Ўігінз быў абмяняны ў «Голдэн Стэйт Ўорыярз» на Джэйкаба Эванза, Д’Анджэла Расэла і Амары Спэлмана. У дэбютным матчы за новую каманду ён набраў 24 пункты. Узімку 2022 году гулец упершыню ў кар’еры быў запрошаны ўзяць удзел у матчы ўсіх зорак НБА. 22 траўня ў трэцяй гульні фіналу канфэрэнцыі супраць «Далас Мавэрыкс» набраў рэкордныя для плэй-оф 27 пунктаў. У фінале НБА ён дапамог камандзе перамагчы «Бостан Сэлтыкс» і стаць чэмпіёнам НБА.
Крыніцы
[рэдагаваць | рэдагаваць крыніцу]- ^ а б College Basketball at Sports-Reference.com
- ^ Prisbell, Eric; Gleeson, Scott (31.03.2014). «Kansas star Andrew Wiggins declares for NBA draft». USA Today.
- ^ Ganter, Mike (8.12.2010). «Andrew Wiggins: Canada’s great basketball hope». Toronto Sun.
- ^ «Cavs take Wiggins with No. 1 pick in NBA draft». NBA.
- ^ «Wiggins leads World by U.S. in Rising Stars». ESPN.
- ^ «Timberwolves’ Andrew Wiggins wins 2014-15 Kia NBA Rookie of the Year Award». NBA.
- ^ «Wiggins Scores Career-High 35 Points In Loss To Cavs». Minnesota Timberwolves.
- ^ «Timberwolves vs. Nets». ESPN.
- ^ «Wiggins sets Canadian single-game points record with 47 vs. Lakers». Sportsnet.ca.