Шарль Бляндэн

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Шарль Бляндэн
Charles.Blondin.jpg
Шарль Бляндэн крочыць па канаце разам са сваім мэнэджарам
Дата нараджэньня 28 лютага 1824(1824-02-28)[1][2][3][4][5]
Месца нараджэньня Эдэн[4]
Дата сьмерці 22 лютага 1897(1897-02-22)[3][4] (72 гады)
Месца сьмерці Лёндан, Лёнданскае графства, Вялікабрытанія[d]
Прычына сьмерці цукровы дыябэт
Месца пахаваньня Кенсал-Грынскія могілкі
Грамадзянства Францыя
Занятак tightrope walker

Шарль Бляндэн (па-француску: Jean François Gravelet-Blondin; 28 лютага 1824, Па-дэ-Кале, каралеўства Францыя — 19 лютага 1897, Ілінг, Лёндан, Брытанская імпэрыя) — францускі акрабат.

Жыцьцяпіс[рэдагаваць | рэдагаваць крыніцу]

Шарль Бляндэн нарадзіўся ў сям’і цыркавых артыстаў, стаў акрабатам ужо ва ўзросьце 5 гадоў. Ён ведаў шмат цыркавых трукаў, але яго спэцыяльнасьцю было хадзіць па канаце. У 1855 року адпраўляецца ў ЗША[6]. 30 чэрвеня 1859 першы раз зьдзейсьніў свой трук, які захаваў яго назаўжды ў гісторыі — першым у сьвеце прайшоў па-над Ніягарскім вадаспадам. Трук зьдзейсьнены над вадаспадам быў досыць звычайны для Шарля, таму ён пачаў паўтараць яго, ускладняючы рознымі дэталямі, напрыклад праход над вадаспадам з рознымі прадметамі, кшталту тачкі, або з чалавекам на плячах, або з завязанымі вачыма. Пасьля ён пераяжджае ў Ангельшчыну. У 1861 року паказвае складаныя трукі на канаце на вышыні 70 футаў у Крышталёвым палацы ў Лёндане. Акрамя Крышталёвага палацу Шарль таксама выступаў у Дубліне і іншых местах Брытаніі. У 1893—1894 роках Шарль грае ў тэатры ролю пантаміма. Апошні выступ Шарля адбыўся ў Бэлфасьце ў 1896 року. Шарль Бляндэн сканаў ад дыябэту 19 лютага 1897 року ва ўзросьце 72 гадоў у Ілінзе. Пахаваны на могілках Кенсэл Грын[7].

Крыніцы[рэдагаваць | рэдагаваць крыніцу]