Цэпэліны
| Цэпэліны | |
 Цэпэліны са сьмятанай (2010 год) | |
| Тып | клёцкі |
|---|---|
| Нацыянальная страва | беларуская, летувіская, польская |
| Паходжаньне | Беларусь, Летува, Польшча |
| Рэгіён | Усходняя Эўропа |
| Асноўны складнік | бульба |
| Распаўсюджаныя складнікі | мяса, рэпчатая цыбуля |
| Падобныя стравы | пяльмені |
Цэпэлі́ны — бульбяныя клёцкі зь мясам.
Страва вядомая ў Беларусі некалькі стагодзьдзяў[1].
Прыгатаваньне
[рэдагаваць | рэдагаваць крыніцу]Спачатку чысьцяць 2 кг бульбы. Затым яе надзіраюць на тарцы або прапускаюць праз блэндэр. На місу або рондаль кладуць друшляк, які засьцілаюць марляй. Таркаваную бульбу порцыямі зьмяшчаюць у марлю і адціскаюць рукамі зь яе сок. Атрыманую мякаць бульбы высыпаюць у асобны посуд. Сабраны пад друшляком сок зьліваюць. Крухмал са дна посуду дадаюць у адціснутую бульбяную масу для лепшай лепкі. Мяса наразаюць нажом на маленькія кубікі. У мяса кідаюць рэпчатую цыбулю і перамешваюць[1].
Кавалак бульбянога цеста кладуць на далонь і расплюшваюць. Наступны кавалак цеста кладуць на сярэдзіне, а зьверху — мясное начыньне. Краі цэпэліна залепліваюць і мнуць з усіх бакоў да гладкасьці. Кожны цэпэлін кладуць на дошку бяз дотыку да іншага. На пліце ў рондалі кіпяцяць ваду, у якую кідаюць цыбулю для водару. Затым кожную клёцку па адной кідаюць у рондаль. Пасьля лыжкай правяраюць цэпэліны дзеля прадухіленьня зьліпаньня. Пасьля ўсплываньня іх вараць да набыцьця цёмна-шэрага адценьня. Цэпэліны падаюць на талерцы са сьмятанай або з жыжкай. Таксама іх смажаць на блясе да залацістага адценьня[1].
Крыніцы
[рэдагаваць | рэдагаваць крыніцу]- ^ а б в Ніна Шчарбачэвіч. Цэпэлін — на талерку // Зьвязда : газэта. — 31 сьнежня 2013. — № 245 (27610). — С. 13. — ISSN 1990-763x.
| Гэта — накід артыкула. Вы можаце дапамагчы Вікіпэдыі, пашырыўшы яго. |