Царква Сьвятога Юрыя (Косаў)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Юрыя.

Помнік сакральнай архітэктуры
Царква Сьвятога Юрыя
Краіна	Беларусь
Места	Косаў
Каардынаты	52°45′09.11″ пн. ш. 25°08′43.84″ у. д. / 52.7525306° пн. ш. 25.1455111° у. д. / 52.7525306; 25.1455111Каардынаты: 52°45′09.11″ пн. ш. 25°08′43.84″ у. д. / 52.7525306° пн. ш. 25.1455111° у. д. / 52.7525306; 25.1455111
Канфэсія	Беларускі экзахат
Эпархія	Пінская япархія
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятога Юрыя на мапе Беларусі Царква Сьвятога Юрыя

Царква Сьвятога Юрыя^[a] — помнік архітэктуры XIX стагодзьдзя ў Косаве. Знаходзіцца на заходняй ускраіне места, на могілках^[b]. Дзее. Твор традыцыйнай беларускай драўлянай архітэктуры. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя[рэдагаваць | рэдагаваць крыніцу]

Драўляную могілкавую царкву ў Косаве збудавалі ў 1871 годзе (паводле іншых зьвестак — у XVIII ст.^[1]).

Архітэктура[рэдагаваць | рэдагаваць крыніцу]

Помнік традыцыйнай беларускай драўлянай архітэктуры. Гэта 1-зрубны прастакутны аб’ём з 3-граннай апсыдай, над якой агульны 2-схільны дах пераходзіць у 3-вальмавае пакрыцьцё. Цэнтар даху завяршаецца купалам на 8-гранным барабане. Вэртыкальна ашаляваныя фасады праразаюцца прастакутнымі аконнымі праёмамі ў простых дашчаных ліштвах і падзяляюцца брусамі-сьцяжкамі ў прасьценках. Да апсыды з паўднёва-ўсходняга боку далучаецца нізкі прыруб рызьніцы.

Унутраная прастора перакрываеццца бэлькавай стольлю. Адкрытыя зрубныя сьцены падзяляюцца брусамі-сьцяжкамі. Мае цагляную падлогу^[2].

Заўвагі[рэдагаваць | рэдагаваць крыніцу]

^ Назва помніка архітэктуры прыводзіцца паводле беларускай гістарычнай традыцыі. Цяперашні афіцыйны тытул: «Царква Сьвятога Георгія» або «Сьвята-Георгіеўская царква» (рас. Церковь Святого Георгия, Свято-Георгиевская церковь); таксама Юр’еўская царква
^ Цяперашні афіцыйны адрас — вуліца 3 лютага, 1А