Царква Сьвятога Мікалая (Сянно)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Помнік гісторыі
Царква Сьвятога Мікалая
Мікалаеўскі сабор
Мікалаеўскі сабор
Краіна Беларусь
Места Сянно
Каардынаты 54°48′48.80″ пн. ш. 29°42′18.90″ у. д. / 54.8135556° пн. ш. 29.70525° у. д. / 54.8135556; 29.70525Каардынаты: 54°48′48.80″ пн. ш. 29°42′18.90″ у. д. / 54.8135556° пн. ш. 29.70525° у. д. / 54.8135556; 29.70525
Дата заснаваньня 1867
Дата скасаваньня 1934
Царква Сьвятога Мікалая на мапе Беларусі
Царква Сьвятога Мікалая
Царква Сьвятога Мікалая
Царква Сьвятога Мікалая

Царква саборная Сьвятога Мікалая — помнік гісторыі другой паловы XIX ст. (мураўёўка) у Сяньне. Знаходзілася ў цэнтры места, на Ветранай вуліцы[a]. У 1934 годзе савецкія ўлады разабралі будынак. Твор архітэктуры расейскай эклектыкі.

Гісторыя[рэдагаваць | рэдагаваць крыніцу]

Царква, 1917 г.

Мураваную саборную царкву Ўрадавага сыноду Расейскай імпэрыі (Маскоўскай царквы) у Сяньне збудавалі ў 1867 годзе. У 1889 годзе з правага боку царквы паставілі мураваную капліцу ў памяць пра шчасьлівае выратаваньне сям’і маскоўскіх гаспадароў 17 кастрычніка 1888 году.

У 1930-я гады савецкія ўлады зачынілі царкву, а ў 1934 годзе разабралі будынак. У 1935 годзе з атрыманай цэглы збудавалі Дом культуры.

Архітэктура[рэдагаваць | рэдагаваць крыніцу]

Прыклад эклектычнай царкоўнай архітэктуры Расейскай імпэрыі. Гэта быў крыжова-купальны храм зь пяцьцю купаламі-цыбулінамі, найбольшы зь якіх меў складаную форму і ўзвышаўся над сяродкрыжжам. 3-ярусныя 4-гранныя званіцы з абодвух бакоў мелі па адным асобным праёме. Усе аконныя праёмы мелі выгляд выгнутых паўцыркульных арак, над якімі разьмяшчаліся круглыя аконныя праёмы-люкарны. Сьцены будынка падзяляліся пілястрамі і карнізамі.

Унутраная прастора перакрывалася крыжовымі скляпеньнямі. У царкве стаялі скульптуры Аляксандра Неўскага і Дзьмітрыя Данскога.

Царкоўную тэрыторыю атачаў драўляны плот з цаглянымі слупамі. Зь левага боку знаходзілася крама, дзе гандлявалі сьвечкамі і царкоўнымі кнігамі[1].

Галерэя[рэдагаваць | рэдагаваць крыніцу]

Заўвагі[рэдагаваць | рэдагаваць крыніцу]

  1. ^ Цяпер на гэтым месцы стаіць будынак школы № 2, збудаваны ў 1961 годзе

Крыніцы[рэдагаваць | рэдагаваць крыніцу]

  1. ^ Бандарэвіч В. Экскурсія да вытокаў горада Сянно. — Менск, 2008. С. 80—83.

Літаратура[рэдагаваць | рэдагаваць крыніцу]

  • Бандарэвіч В. Экскурсія да вытокаў горада Сянно. — Менск: Літаратура і мастацтва, 2008. — 168 с. ISBN 978-985-6720-56-0.

Вонкавыя спасылкі[рэдагаваць | рэдагаваць крыніцу]