Царква Сьвятога Мікалая (Дрыса)

Помнік сакральнай архітэктуры
Царква Сьвятога Мікалая
Царква Сьвятога Мікалая
Краіна	Беларусь
Места	Дрыса
Каардынаты	55°47′03.56″ пн. ш. 27°56′01.69″ у. д.
Канфэсія	Беларускі экзархат
Эпархія	Полацкая япархія
Архітэктурны стыль	клясыцызм
Дата заснаваньня	1819
Царква Сьвятога Мікалая на мапе Беларусі Царква Сьвятога Мікалая

Царква Сьвятога Мікалая — помнік архітэктуры XIX стагодзьдзя ў Дрысе. Знаходзіцца ў цэнтры места. Дзее. Твор архітэктуры клясыцызму.

Гісторыя

У панараме места, 1878 г.

М. Кусьцінскі, XIX ст.

Мураваную царкву ў Дрысе збудавалі ў 1819 годзе. На 1895 год яна была саборнай і мела прыпісную могілкавую царкву Сьвятых Барыса і Глеба.

У 1930-я гады савецкія ўлады зачынілі царкву.

Архітэктура

Помнік архітэктуры клясыцызму. 4-часткавую аб’ёмна-прасторавую кампазыцыю складаюць прытвор-званіца, трапезная, малітоўная заля, паўкруглая апсыда. У сылюэце дамінуе 3-ярусная чацьверыковая званіца, завершаная невысокім шатром; ярусы вылучаюцца прафіляванымі карнізамі, праразаюцца аркавымі праёмамі, дэкаруюцца кутнімі пілястрамі. Над прастакутным у пляне асноўным аб’ёмам узвышаецца магутны цыліндрычны сьветлавы барабан з паўсфэрычным купалам, завершаным невялікім купалком на цыліндрычнай шыі. Роўнічныя сьцены дэкаруюцца кутнімі пілястрам, падзяляюцца прастакутнымі аконнымі праёмамі ў прафіляваных ліштвах з замковым каменем. Аб’ёмы апярэзваюцца прафіляваным карнізам на сухарыках.

Унутраная прастора малітоўнай залі павялічваецца высокім сьветлавым барабанам, у яе шырокімі аркавымі прасьветамі адкрываюцца памяшканьні трапезнай і апсыды. Сьцены і скляпеньні ў інтэр’еры аздабляюцца алейнай фарбай некалькіх таноў з трафарэтным малюнкам. Абразы: «Эвангелісты Матфей і Лука» (XVIII ст.), «Нараджэньне Маці Божай» (канец XVIII ст.), «Маці Божая Вастрабрамская» (XIX ст.).

Галерэя

Гістарычныя здымкі

• Старыя здымкі
• 
  1912 г.
• 
  С. Пракудзін-Горскі, 1912 г.
• 
  1930 г.
• 
  1941—1944 гг.

Сучасныя здымкі

• Сучасны стан
• 
  Агульны выгляд
• 
  Званіца
• 
  2012 г.
• 
  2013 г.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Сьвятога Мікалая ў Дрысе, Radzima.org