Царква Сьвятога Спаса (Чашнікі)
| Помнік сакральнай архітэктуры | |
Царква Сьвятога Спаса
| |
.jpg) Спаская царква па надбудове купалоў-цыбулінаў
| |
| Краіна | Беларусь |
| Места | Чашнікі |
| Каардынаты | 54°51′42.52″ пн. ш. 29°09′42.66″ у. д. / 54.8618111° пн. ш. 29.16185° у. д.Каардынаты: 54°51′42.52″ пн. ш. 29°09′42.66″ у. д. / 54.8618111° пн. ш. 29.16185° у. д. |
| Канфэсія | Беларускі экзархат |
| Эпархія | Віцебская і Аршанская япархія[d] |
| Архітэктурны стыль | клясыцызм |
| Дата заснаваньня | 1843 |
Царква Сьвятога Спаса на мапе Беларусі   Царква Сьвятога Спаса | |
 Царква Сьвятога Спаса на Вікісховішчы
| |
Царква Сьвятога Спаса[a] — помнік архітэктуры XIX стагодзьдзя ў Чашніках. Знаходзіцца ў цэнтры места, на гістарычнай Лукомскай вуліцы[b]. Дзее. Твор архітэктуры клясыцызму, мастацкае аблічча якога пацярпела ў выніку надбудовы купалоў-цыбулінаў.
Гісторыя
[рэдагаваць | рэдагаваць крыніцу].jpg)
Мураваную царкву ў Чашніках збудавалі ў 1843—1845 гадох. 20 чэрвеня 1876 году будынак царквы (на далёкім пляне) выявіў Напалеон Орда.
У 2000-я гады ў выніку рэканструкцыі купалы-бані замянілі на маскоўскія пазалочаныя купалы-цыбуліны, кардынальна перабудавалі званіцу.
Архітэктура
[рэдагаваць | рэдагаваць крыніцу]Помнік архітэктуры клясыцызму. Гэта крыжападобны ў пляне будынак з прастакутнымі крыламі трапезнай, бакавых прыдзелаў і апсыды. Завяршаецца сфэрычным купалам на сьветлавым барабане. Над трапезнай знаходзіцца званіца. Галоўны фасад мае портык з франтонам. У афармленьні фасадаў выкарыстоўваюцца пілястры, паўцыркульныя сандрыкі прастакутных аконных праёмаў, прафіляваны апяразваючы карніз з роўным фрызам.
У залю царквы адкрываецца падкупальная прастора і праз шырокія аркавыя прасьветы бакавыя скляпеністыя прыдзелы, апсыда і трапезная. Скляпеньні аздабляе адноўленая ў 1970 годзе фрэскавая размалёўка з выявамі Бога Саваофа на троне і 12 апосталаў, на ветразях выявы эвангелістаў, у алтары «Богаяўленьне», на сьценах — эвангельскі цыкль. Захоўваюцца абразы XVIII—XIX стагодзьдзяў: «Маці Божая Адзігітрыя», «Хрышчэньне», «Тэадосі Угліцкі», «Спас Пантакратар»[1].
Заўвагі
[рэдагаваць | рэдагаваць крыніцу]- ^ Назва помніка архітэктуры прыводзіцца паводле беларускай гістарычнай традыцыі. Афіцыйны тытул Маскоўскага патрыярхату: «Царква Праабражэньня Гасподняга» або «Спаса-Праабражэнская царква» (рас. Церковь Преображения Господнего, Спасо-Преображенская церковь); таксама Спаская царква
- ^ Цяперашні афіцыйны адрас — завулак Міру, 2а
Крыніцы
[рэдагаваць | рэдагаваць крыніцу]- ^ Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.
Літаратура
[рэдагаваць | рэдагаваць крыніцу]- Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.