Хуан Паблё Варгас
| Хуан Паблё Варгас | ||
 | ||
| Пэрсанальная інфармацыя | ||
|---|---|---|
| Нарадзіўся | 6 чэрвеня 1995[1][2] (30 гадоў) | |
| Рост | 192 см | |
| Вага | 76 кг | |
| Пазыцыя | абаронца, задні абаронца | |
| Клюбная інфармацыя | ||
| Клюб | Пуэбля[d] | |
| Нумар | 4 | |
| Клюбы | ||
| Гады | Клюб | Гульні (галы)¹ |
| 2013—2016 | Аляхуэленсэ[d] | 8 (1) |
| 2016—2017 | → Бэлен[d] | 34 (4) |
| 2016—2017 | Хако Райс[d] | 0 (0) |
| 2017—2020 | Эрэдыяна[d] | 29 (3) |
| 2018—2019 | → Дэпортэс Таліма[d] | 17 (0) |
| 2020 | → Мільянарыяс | 21 (0) |
| 2021—2025 | Мільянарыяс | 175 (12) |
| 2026— | Пуэбля[d] | 0 (0) |
| Зборныя | ||
| 2017— | Коста-Рыка | 41 (4) |
|
¹ Колькасьць гульняў і галоў за прафэсійны клюб лічыцца толькі | ||
Хуа́н Па́блё Ва́ргас Ка́мпас (па-гішпанску: Juan Pablo Vargas Campos; нар. 6 чэрвеня 1995 году) — костарыканскі футбаліст, абаронца мэксыканскага клюбу «Пуэбля» і нацыянальнай зборнай Коста-Рыкі.
Кар’ера
[рэдагаваць | рэдагаваць код]Варгас займаўся футболам у акадэміі клюбу «Аляхуэленсэ». На заканчэньні навучаньня быў далучаны да складу асноўнай дружыны клюбу галоўным трэнэрам Оскарам Рамірэсам 30 траўня 2013 году[3]. Гулец некалькі гадоў чакаў на дэбют, які адбыўся падчас розыгрышу чэмпіянату Коста-Рыкі 2015 году. Гэтак Варгас зьявіўся ў пачатковым складзе ў матчы супраць «Лімону» 18 лютага 2015 году. Некаторы час футбаліст правёў у складзе іншых костарыканскіх клюбаў, як то «Бэлен» і «Эрэдыяна». Гэтак жа ў арэнду 1 жніўня 2018 году спартовец выправіўся ў калюмбійскі клюб «Дэпортэс Таліма». Выступаючы за гэты клюб, Варгас атрымаў досьвед гульні ў Кубку Лібэртадорэс. Гэтак 12 сакавіка 2019 году гулец згуляў у гасьцявым паядынку супраць аргентынскай «Бокі Хуніёрс».
3 студзеня 2020 году Варгас далучыўся да табару калюмбійскага клюбу «Мільянарыяс» паводле дамовы арэнды, але з правам выкупу[4]. На набыцьці абаронцы настойваў трэнэр Альбэрта Гамэра[5]. 26 студзеня адбыўся дэбют гульца ў складзе новай каманды ў матчы супраць «Дэпартыва» з гораду Паста, але клюб атрымаў паразу зь лікам 1:2. У канцы году абаронца ўлучыў мяч у браму клюбу «Баяка Чыко», дапамогшы сталічнай дружыне здабыць перамогу зь лікам 2:0. У сваім першым сэзоне абаронца замацаваўся ў асноўным складзе. Ужо 30 сьнежня 2020 году была абвешчана, што гулец стаў паўнавартасным футбалістам клюбу, склаўшы дамову з клюбам тэрмінам да сьнежня 2023 году[6].
Дасягненьні
[рэдагаваць | рэдагаваць код]«Мільянарыяс»:
- Чэмпіён Калюмбіі: 2023(а)
- Уладальнік Кубка Калюмбіі: 2022
- Уладальнік Супэркубка Калюмбіі: 2024
Крыніцы
[рэдагаваць | рэдагаваць код]- ↑ Juan Pablo Vargas // Transfermarkt (мн.) — 2000.
- ↑ Juan Pablo Vargas // FBref (анг.)
- ↑ «Steve Garita, Ronald Matarrita and Juan Pablo Vargas arrive at the Alajuelense first team». Aldia.
- ↑ «Millonarios confirma la contratación de su nuevo defensorobra». Fútbol Red.
- ↑ «Juan Pablo Vargas, nuevo defensa de Millonarios». As.
- ↑ «Millonarios compra la ficha de Juan Pablo Vargas». Everardo Herrera.