Холмшчына

Хо́лмшчына, Хо́лмская зямля́ — гістарычны рэгіён на левым беразе ракі Заходні Буг з цэнтрам у месьце Холм. У XIV ст. уваходзіла ў склад Вялікага Княства Літоўскага, пазьней апынулася ў Польшчы.

У XVI—XVIII стагодзьдзях у складзе Рускага ваяводзтва Каралеўства Польскага існаваў Холмскі павет, які ахопліваў землі Заходняга Палесься, у тым ліку сёлы Радастава, Лелікава і іншыя (паўднёвая частка сучасных Кобрынскага і Дарагічынскага раёнаў Беларусі).