Фэдэрацыя Босьніі і Герцагавіны

Фэдэрацыя Босьніі і Герцагавіны
па-басьнійску: Federacija Bosne i Hercegovine па-сэрбску: Федерација Босне и Херцеговине па-харвацку: Federacija Bosne i Hercegovine
Дата заснаваньня:	18 сакавіка 1994
Афіцыйная мова:	басьнійская мова, харвацкая і сэрбская
Сталіца:	Сараева
Кіраўнік:	Марынка Чавара[d]
прэзыдэнт:	Фадзіль Наваліч[d]
Плошча:	26 110,5 км²
Насельніцтва:	2 219 220 чал. (2013)
Валюта:	Канвэртаваная марка
Часавы пас:	цэнтральнаэўрапейскі час[d]
Дамэн верхняга ўзроўню:	.ba
Галерэя здымкаў у Вікісховішчы
fbihvlada.gov.ba (бас.)​ (харв.)​ (анг.)

Фэдэрацыя Босьніі і Герцагавіны — дзяржаўнае ўтварэньне, якое разам з Рэспублікай Сэрбскай складае дзяржаву Босьнія і Герцагавіна. Утворана на тэрыторыі былой Сацыялістычнай Фэдэратыўнай Рэспублікі Югаславія ў выніку Вашынгтонскага пагадненьня 1994 году. У склад фэдэрацыі ўвайшлі тэрыторыі, якія раней кантраляваліся афіцыйнымі ўладамі Рэспублікі Босьнія і Герцагавіна, а таксама ўладамі самаабвешчанай Рэспублікі Герцаг-Босна. Сталіца — Сараева. Плошча фэдэрацыі складае 26 076 км² (51 % агульнай тэрыторыі Босьніі і Герцагавіны). На вызначанай тэрыторыі пражываюць 2,4 млн чалавек. Грашовай адзінкай зьяўляецца Канвэртаваная марка.

Адміністрацыйны падзел

У склад фэдэрацыі ўваходзяць дзесяць кантонаў (па-басьнійску: kantoni), у кожным зь якіх пераважае басьнійская ці харвацкая этнічная большасьць.

• Унска-Санскі
• Посаўскі
• Тузланскі
• Зэніцка-Добайскі
• Басьнійска-Падрынскі
• Сярэднебасьнійскі
• Герцагавіна-Нярэтванскі
• Заходнегерцагавінскі
• Сараеўскі
• Герцагбасанскі

Кантоны падзелены на 79 абшчын (харв., па-басьнійску: općine).

Мае граніцы на захадзе і поўначы з Харватыяй, на поўначы і ўсходзе — з Рэспублікай Сэрбскай. Таксама мае невялікі выхад да Адрыятычнага мора — каля 24,5 км берагавой лініі.