Франсуа Рабле

Франсуа Рабле
Асабістыя зьвесткі
Нарадзіўся	1494 Сэі[d], Турэнь[d], Каралеўства Францыя[d]
Памёр	9 красавіка 1553 або 9 красавіка 1553(1553-04-09) Парыж, Каралеўства Францыя[d]
Пахаваны	Парыж
Бацькі	Антуан Рабле[d]
Літаратурная дзейнасьць
Род дзейнасьці	пісьменьнік, лекар-пісьменьнік, навэліст, гумарыст, гуманіст, лекар, лібрэтыст, сатырык
Гады творчасьці	з 1532
Мова	сярэднефранцуская мова[d]
Подпіс
Франсуа Рабле ў Вікісховішчы

Франсуа Рабле (па-француску: François Rabelais; ?, Шынон — 9 красавіка 1553, Парыж) — францускі пісьменьнік, адзін зь вялікіх эўрапейскіх сатырыкаў-гуманістаў эпохі Адраджэньня, аўтар раману «Гарганцюа і Пантагруэль».

Біяграфічныя зьвесткі

Рабле нарадзіўся ў Шыноне (у Турэні), дакладная дата нараджэньня невядомая — у якасьці вэрсій называюць 1483, 1493 і 1495 г. Як мяркуецца, ён быў сынам шынкара (некаторыя сьцьвярджаюць — аптэкара, які займаўся і шынкарскай справай), страціў маці ў самым раньнім узросьце, ці (па іншых зьвестках) вельмі рана адкінуты ёю і перададзены ў манастыр.

Вывучаў права ў Пуат’е, мэдыцыну ў Парыжы і Манпэлье, працаваў лекарам у Ліёне. Доктар мэдыцыны (з 1537).

Творчасьць

Літаратурную дзейнасьць пачаў у 1532. Сусьветную вядомасьць яму прынёс фантастычны раман-эпапэя «Гарганцюа і Пантагруэль» (кн. 1-4, 1532-52; кн. 5, выд. 1564, аўтарства кн. 5 недакладнае). Гэта мастацкая энцыкляпэдыя францускай культуры эпохі Адраджэньня: яе рэлігійнага і палітычнага жыцьця, філязофскай, пэдагагічнай і навуковай думкі, духоўнага імкненьня і сацыяльнага побыту. У творы аўтар высьмеяў рэлігійны фанатызм, цемрашальства і паразітызм духавенства, тупасьць, сквапнасьць і жорсткасьць чыноўнікаў, манархічны дэспатызм і захопніцкія войны. Прапагандаваў гуманістычнае выхаваньне чалавека, у якім павінна гарманічна спалучацца фізычнае і духоўнае разьвіцьцё. Раман адметны багацьцем народнай мовы, спалучэньнем рэалістычнага і фантастычнага, высокага і груба камічнага, гратэскнага. Творчасьць Франсуа Рабле адыграла вялікую ролю ў разьвіцьці францускай і сусьветнай сатырычнай літаратуры.

Беларускія пераклады

• Гарганцюа і Пантагруэль. Мн., 1940.

Вонкавыя спасылкі

• Гарганцюа і Пантагруэль. Урыўкі