Усевалад Садоўскі
| Усевалад Садоўскі | ||
| Пэрсанальная інфармацыя | ||
|---|---|---|
| Нарадзіўся | 4 кастрычніка 1996[1] (29 гадоў) | |
| Рост | 193 см | |
| Вага | 82 кг[2] | |
| Пазыцыя | нападнік | |
| Клюбная інфармацыя | ||
| Клюб | Жэніс | |
| Нумар | 39 | |
| Клюбы | ||
| Гады | Клюб | Гульні (галы)¹ |
| 2016—2019 | Энэргетык-БДУ | 81 (37) |
| 2019—2020 | Дынама Берасьце | 9 (0) |
| 2019 | → Энэргетык-БДУ | 6 (3) |
| 2020 | → Рух Берасьце | 9 (9) |
| 2021 | Рух Берасьце | 24 (4) |
| 2022—2024 | Ардабасы | 60 (9) |
| 2025 | Катвіца[d] | 11 (0) |
| 2025— | Жэніс | 6 (4) |
| Зборныя | ||
| 2016 | Беларусь (да 21) | 1 (0) |
|
¹ Колькасьць гульняў і галоў за прафэсійны клюб лічыцца толькі | ||
Усе́валад Садо́ўскі (нар. 4 кастрычніка 1996 году) — беларускі футбаліст, нападнік казаскага клюбу «Жэніс».
Кар’ера
[рэдагаваць | рэдагаваць крыніцу]Пачынаў займацца футболам у менскай СДЮШАР «Дынама», пазьней гуляў у юнацкіх камандах сталічнага МТЗ-РІПА і барысаўскага БАТЭ. У веку 15 гадоў пакінуў футбол[3], аднак праз два гады вярнуўся, далучыўшыся да «Менску», дзе неўзабаве стаў гуляць за дубль. Па заканчэньні сэзону 2015 году сталічны клюб ня стаў працягваць супрацу з нападнікам.
У пачатку 2016 году праходзіў прагляд у екацярынбурскім «Урале», які ўзначальваў былы трэнэр «Менску» Вадзім Скрыпчанка, аднак у выніку падпісаў кантракт зь менскай «Зоркай-БДУ»[4]. Першую палову сэзону 2016 году прапусьціў праз траўму, зь ліпеня замацаваўся ў асноўным складзе каманды. У сэзоне 2017 году заставаўся трывалым гульцом пачатковага складу каманды, якая зьмяніла назву на «Энэргетык-БДУ». У сэзоне 2018 году з 21 голам стаў найлепшым бамбардзірам Першай лігі (хоць у ліпені не гуляў праз пашкоджаньні) і дапамог камандзе выйсьці ў Найвышэйшую лігу.
У сэзоне 2019 году заставаўся асноўным нападнікам сталічнай каманды. У ліпені 2019 году склаў дамову зь берасьцейскім «Дынама», аднак застаўся ў «Энэргетыку-БДУ» на правах арэнды да сканчэньня сэзону[5]. З кастрычніка 2019 году не гуляў праз траўмы. У сьнежні 2019 году вярнуўся з арэнды ў «Дынама»[6]. Да сэзону 2020 году рыхтаваўся разам зь берасьцейцамі і пачаў у ейным складзе чэмпіянат, але замацавацца ня здолеў, звычайна выходзіўшы на зьмену. У ліпені 2020 году перайшоў да шэрагаў «Руху»[7]. У сэзоне 2020 году гуляў пераважна ў пачатковым складзе дружыны, за 9 матчаў у Найвышэйшай лізе здабыў 9 галоў. У 2021 годзе часьцей выходзіў на замену.
У пачатку 2022 году рыхтаваўся да пачатку новага розыгрышу айчыннага першынства з «Рухам», а ў сакавіку, пасьля таго як берасьцейскі клюб спыніў выступы ў Найвышэйшай лізе, далучыўся да казаскага «Ардабасы», які ачольваў колішні трэнэр «Руха» Аляксандар Сяднёў, і неўзабаве склаў пагадненьне з клюбам[8]. У пачатку 2025 году зьявіліся зьвесткі, што гулец можа далучыцца да польскай «Катвіцы» зь Першай лігі польскага першынства, але клюб на той час меў забарону на трансфэры[9]. Неўзабаве беларус усё ж такі стаў футбалістам гэтага клюбу[10]. Пазьней беларус прызнаўся, што ў польскай камандзе яму не плацілі заробак, што вымусіла шукаць новы клюб[11]. У чэрвені 2025 году прыяднаўся да казаскага «Жэнісу».
Дасягненьні
[рэдагаваць | рэдагаваць крыніцу]«Ардыбасы»:
- Чэмпіён Казахстану: 2023
- Уладальнік Кубка Казахстану: 2022
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Энэргетык-БДУ | 2017 | Першая ліга | 29 | 7 |
| 2018 | Першая ліга | 24 | 21 | |
Крыніцы
[рэдагаваць | рэдагаваць крыніцу]- ^ а б в Vsevolod Sadovskiy // Transfermarkt (мн.) — 2000.
- ^ а б https://teams.by/sadovskiy-vsevolod-sergeevich/player-154899/
- ^ «Ради Юревича хотелось подстричься». Этот парень – главный забивала первой лиги
- ^ Садовский перешел в «Звезду-БГУ», «Урал» проведет переговоры по поводу трансфера игрока
- ^ Брестское "Динамо" объявило о подписании контрактов с Носко и Садовским
- ^ Носко, Мирошников, Ковальчук и Садовский возвращаются в брестское «Динамо»
- ^ Садовский перешел из брестского "Динамо" в "Рух"
- ^ Футбол. Всеволод Садовский заключил контракт с "Ордабасы" Праверана 17 сакавіка 2022 г. Архіўная копія ад 17 сакавіка 2022 г.
- ^ Всеволод Садовский не будет игроком польской «Котвицы»? (рас.). Bet News (2025-02-25). Праверана 2025-03-24 г.
- ^ "Котвица" объявила о подписании контракта с Всеволодом Садовским (рас.). Football.by (2025-03-14). Праверана 2025-03-24 г.
- ^ Всеволод Садовский: "В "Котвице" не платили зарплату" (рас.). Football.by (2025-06-30). Праверана 2025-06-30 г.
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
- Нарадзіліся 4 кастрычніка
- Нарадзіліся ў 1996 годзе
- Нарадзіліся ў Менску
- Футбалісты клюбу «Энэргетык»-БДУ Менск
- Футбалісты клюбу «Дынама» Берасьце
- Футбалісты клюбу «Рух» Берасьце
- Футбалісты клюбу «Ардабасы» Шымкент
- Футбалісты клюбу «Катвіца» Калобжэг
- Футбалісты моладзевай зборнай Беларусі
- Беларускія футбалісты