Тракадэро
Каардынаты: 48°51′46″ пн. ш. 2°17′14″ у. д. / 48.86278° пн. ш. 2.28722° у. д.
Тракадэро (па-француску: Trocadéro) — раён у 16 акрузе Парыжу, на беразе Сэны, месца разьмяшчэньня палаца Шаё.
Назва паходзіць ад вострава Тракадэро ў Кадыскім заліве каля паўднёвага ўзьбярэжжа Гішпаніі, дзе ў 1823 францускія войскі перамаглі ў бітве зь лібэральнымі рэвалюцыянэрамі і дапамаглі гішпанскаму каралю аднавіць манархічны лад.
У 1867 узгорак Шаё ў раёне Тракадэро стаў месцам правядзеньня Сусьветнай выставы. Да Сусьветнай выставы 1878 году тут быў пабудаваны палац Тракадэро для паседжаньняў міжнародных арганізацыяў у часе выставы. У 1937 палац Тракадэро быў зьнесены і заменены палацам Шаё, які захаваўся да нашых дзён.
Паміж палацам Шаё і берагам Сены разьмясьціліся сады Тракадэро, галоўнай рысай якіх зьяўляецца так званы Варшаўскі фантан — доўгі басэйн з дванаццацю 12-мэтровымі фантанамі, дваццацю чатырма меншымі фантанамі і дзесяцьцю воднымі аркамі.
Вонкавыя спасылкі
[рэдагаваць | рэдагаваць крыніцу]- Фота Тракадэро ў Парыжы
- Выявы і апісаньне Тракадэро
- Выявы старога Палаца дзю Тракадэро
- Выявы палацы Шаё
- Палаца дэ Шаё у часе рамонта
- Віртуальны тур на 360 градусаў у поўнаэкранным рэжыме.
- Францыя, Парыж, Тракадэро
| ||||||||||||||||||||