Тацьцяна Бубенька

Тацьцяна Бубенька
	Тацьцяна Бубенька
Дата нараджэньня	8 чэрвеня 1957 (67 гадоў)
Месца нараджэньня	Бярэзань, Менская вобласьць, БССР, СССР;
Месца вучобы	гістарычны факультэт БДУ;
Занятак	археоляг
Месца працы	Інстытут гісторыі НАН Беларусі; Віцебскі дзяржаўны ўнівэрсытэт;

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бубенька.

Тацьцяна Станіславаўна Бубенька (нар. 8 чэрвеня 1957, Беразіно, Менская вобласьць) — беларускі археоляг. Кандыдат гістарычных навук (1991).

Жыцьцяпіс

Скончыла гістарычны факультэт БДУ (1980). Працавала ў Інстытуце гісторыі АН Беларусі (1977—1994), загадвала сэктарам аховы помнікаў і археалёгіі Віцебскага гарвыканкаму (1994—1998). Дацэнт катэдры гісторыі Віцебскага дзяржаўнага ўнівэрсытэту імя П. М. Машэрава (з 1998 году). Дэкан факультэту падрыхтоўкі ўнівэрсытэту (2003—2012).

Навуковая дзейнасьць

Вывучае старажытныя гарадзкія і сельскія паселішчы Беларусі 9-18 ст. Абсьледвала археалягічныя помнікі ў Баранавіцкім, Бярэзінскім, Віцебскім, Мастоўскім, Пухавіцкім і Чашніцкім раёнах, выявіла больш за 20 новых помнікаў.

Праводзіла раскопкі пасаду старажытнага Клецку (1986), дзядзінцу і пасаду ў Наваградку (1991—1992, 2012), гарадзішча Камень у Лепельскім раёне (1998). Асноўным аб’ектам навуковых інтарэсаў абрала Ніжні замак у Віцебску, які дасьледуе з 1981 году. Мае таксама больш за 165 публікацый па тэме дасьледаваньняў у навуковых, навукова-папулярных і энцыкляпэдычных выданьнях.