Сільвестар Балтрамайціс

Сільвестар Балтрамайціс
па-летувіску: Silvestras Iosifovičius Baltramaitis
Дата нараджэньня	21 кастрычніка (2 лістапада) 1841
Месца нараджэньня	Манкішкей[d], Шавельскі павет, Віленская губэрня, Расейская імпэрыя
Дата сьмерці	1918
Месца сьмерці	Башмакова[d], Чамбарскі павет[d], Пензенская губэрня[d], Савецкая Расея
Занятак	бібліёграф, этнограф
Навуковая сфэра	бібліяграфія[d]
Месца працы	Расейская нацыянальная бібліятэка[d]

Сільвестар Ёсіфавіч Балтрамайціс (21 кастрычніка 1841, вёска Манкішкі Радзівіліскай парафіі — 1918(?)) — летувіскі бібліёграф і этнограф.

Біяграфія

З 1869 да 1918 году працаваў у Пецярбурскай публічнай бібліятэцы, дзе рыхтаваў бібліяграфічныя выданьні.

Творы

Асноўны артыкул: Летувізацыя

Асноўны твор — «Зборнік бібліяграфічных матэрыялаў для геаграфіі, гісторыі, гісторыі права, статыстыкі і этнаграфіі Летувы…» (2-е выд., СПб., 1904). Першае выданьне зборніку (1891) ахоплівала пэрыяд з 1553 да 1891, другое з 1553 да 1903 году.

Лічыў цэнтральныя і заходнія землі Беларусі гістарычнай Летувой. Таму ў «Зборнік…» улучаюцца гістарычна-этнаграфічныя нарысы пра беларускія месты і паселішчы, у тым ліку пра Менск, літаратура пра народныя промыслы, беларускія старажытнасьці, старадрукі ды іншае. У ім шырока прэзэнтуюцца працы дзеячоў беларускай навукі і культуры Канстантына і Яўстафія Тышкевічаў, Яўхіма Карскага, Міхала Без-Карніловіча, Уладзіслава Сыракомлі, Паўла Шэйна, Аляксандра Семянтоўскага, Мікалая Янчука.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1996. — Т. 2: Аршыца — Беларусцы. — 480 с. — ISBN 985-11-0061-7
• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.