Сяргей Каваленка

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Сяргей Каваленка
Сяргей Аляксандравіч Каваленка
Siarhei Kavalenka 01.jpg
Род дзейнасьці будаўнік
Дата нараджэньня 16 студзеня 1975 (44 гады)
Месца нараджэньня Віцебск
Занятак палітык
Бацька Аляксандар Васільевіч
Маці Лідзія Ўладзімераўна
Жонка Алена
Дзеці Сын Валянцін (нар. 2004), дачка Вікторыя (нар. 2011)
Узнагароды
Мэдаль 100 гадоў БНР

Сяргей Каваленка (нарадзіўся 16 студзеня 1975 году) — беларускі палітычны актывіст, сябра КХП-БНФ.

Дзейнасьць[рэдагаваць | рэдагаваць крыніцу]

Зрабіўся вядомым пасьля таго, як 7 студзеня 2010 году вывесіў бел-чырвона-белы сьцяг на навагодняй ялінцы ў цэнтры Віцебску. Пасьля інцыдэнту ён быў арыштаваны і прысуджаны да трох гадоў ўмоўнага пакараньня[1]. Суд над Каваленкам выклікаў вялікі розгалас, праваабаронцы сьведчылі пра палітычны характар працэсу над актывістам[2]. Газэта «Наша Ніва» назвала Каваленку «героем году» ў сваім сьпісе найбольш выбітных людзей за 2010 год[3].

У канцы сьнежня 2011 году Каваленка быў зноў арыштаваны і абвінавачаны ў парушэньні рэжыму адбываньня пакараньня. З 19 сьнежня 2011 году Каваленка трымаў сухую галадоўку, з 16 студзеня 2012 году яго пачалі гвалтоўна карміць[4]. Каваленка быў прысуджаны да двух гадоў і 1 месяца калёніі. Прысуд вынесла судзьдзя Алена Жук, пракурорам выступаў Дзьмітры Лутаў.

Жанаты з 18 чэрвеня 2004 году[5], мае двух дзяцей[2]. У верасьні 2010 году разьвёўся, каб не было ціску на сваякоў у сувязі з крымінальнай справай. 17 лютага 2012 году сужэнцы аднавілі шлюб падчас знаходжаньня Сяргея ў сьледчым ізалятары ў Віцебску[6].

27 сьнежня 2014 году быў затрыманы праваахоўнымі органамі за вывешаны бел-чырвона-белы сьцяг на шматпавярховым доме ў Віцебску. У тэй жа дзень судзьдзя Першамайскага раёну Віцебска Андрэй Прэйс прысудзіў актывіста да 10 дзён адміністрацыйнага арышту. 3 студзеня 2015 году Каваленка быў вызвалены з ізалятару[7].

Фатаздымкі[рэдагаваць | рэдагаваць крыніцу]

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Апазыцыянэр Каваленка атрымаў за сьцяг на елцы тры гады ўмоўна. Telegraf.by (14 траўня 2010). Праверана 23 лютага 2012 г.
  2. ^ а б Сяргей Каваленка. Бачына «Свабоду палітвязьням». Праверана 23 лютага 2012 г.
  3. ^ Зміцер Панкавец (31 сьнежня 2010) Чалавек года — Мікалай Казлоў. Наша НіваПраверана 23 лютага 2012 г.
  4. ^ Сяргей Каваленка ў крытычным стане. Газэта «Салідарнасьць» (11 лютага 2012). Праверана 23 лютага 2012 г.
  5. ^ Яна Ільіна (3 сакавіка 2012) Алена Каваленка: «Я за Сяргеем, як за каменнай сьцяной» Грамадзтва. Газэта «Народныя навіны Віцебска». Праверана 7 сакавіка 2012 г.
  6. ^ Ён не проста абсалютна белы. Ён пайшоў ужо жоўтымі плямамі. Наша Ніва (17 лютага 2012). Праверана 23 лютага 2012 г.
  7. ^ Сяргей Каваленка выйшаў на волю // Хартыя’97, навіны

Вонкавыя спасылкі[рэдагаваць | рэдагаваць крыніцу]