Спораўскае возера

Возера Спораўскае Краіна Беларусь Плошча 11,5 км² Максымальная глыбіня 2,2 м Сярэдняя глыбіня 1,4 м Найбольшая даўжыня 5,6 км Найбольшая шырыня 3 км Даўжыня берагавой лініі 19,5 км Вышыня над узроўнем мора Аб’ём вады 0,0187 км³ Каардынаты 52°24′32″ пн. ш. 25°20′28″ у. д. Спораўскае на мапе Беларусі Спораўскае

Спораўскае возера — возера на мяжы Бярозаўскага і Дарагічынскага раёнаў Берасьцейскай вобласьці Беларусі, знаходзіцца за 26 км на паўднёвы ўсход ад гораду Бярозы, каля вёскі Спорава ў Спораўскім заказьніку, недалёка ад Спораўскіх балот.

Плошча паверхні — 11,5 км², вадазбору — 3030 км², найбольшая глыбіня — 2,2 м, сярэдняя глыбіня — 1,4 м, даўжыня берагавой лініі — 19,5 км. Праз Спораўскае возера працякае рака Ясельда, упадае рака Плёса і некалькі ручаёў.

Цэнтральная частка ложа выслана сапрапэлем, дно да глыбіні 0,5—0,7 м пяшчанае. Схілы катлавіны нізкія, на паўночным захадзе вышынёй да 5 м, забалочаныя, парослыя хмызьняком. Берагі тарфяністыя, забалочаныя, на поўначы пяшчаныя.

Мясцовая фаўна прадстаўлена:

• 20 відамі сысуноў
• 112 відамі птушак (зь якіх 17 занесены ў Чырвоную кнігу)
• 6 відамі рэптыліў
• 8 відамі амфібіяў.

Тэрыторыя, важная для птушак

Спораўскае возера — гэта самае буйное ў Эўропе месцапражываньне вяртлявай чаротаўкі і зьяўляецца тэрыторыяй, важнай для птушак.