Сочы

Сочы
рас. Сочи
Выгляд Сочы з мора
Герб Сочы Сьцяг Сочы
Першыя згадкі:	1838
Горад з:	1917
Краіна:	Расея
Суб’ект фэдэрацыі:	Краснадарскі край
Кіраўнік:	Анатоль Пахомаў[d]
Плошча:	3502 км²
Вышыня:	65 м н. у. м.
Насельніцтва (2010)
колькасьць:	343 300 чал.
шчыльнасьць:	98,03 чал./км²
Часавы пас:	UTC+3
Тэлефонны код:	+7 8622
Паштовыя індэксы:	354000—354999
Нумарны знак:	23, 93, 123
Геаграфічныя каардынаты:	43°35′7″ пн. ш. 39°43′13″ у. д.
Сочы на мапе Расеі Сочы
Галерэя здымкаў у Вікісховішчы
http://sochiru.ru

Со́чы — горад-курорт на ўзьбярэжжы Чорнага мора на Заходнім Каўказе. Сочы зьяўляецца найбуйнейшым курортным горадам Расеі. Неафіцыйная мянушка гораду — летняя сталіца Расеі.

Насельніцтва

Сталае насельніцтва самаго гораду на 2024 год — 444 989 чалавек. Сочы дзеліць 5-е месца сярод гарадоў на Чорным моры разам з Варнай, саступаючы Адэсе, Самсуну, Трабзону й Севастопалю. Муніцыпальнае ўтварэньне горад-курорт Сочы налічвае 561 793 тыс. чал і зьяўляецца ядром Сочынскай аглямэрацыі з насельніцтвам каля 575 тыс. чалавек.

Геаграфія

Муніцыпальнае ўтварэньне, вядомае таксама неафіцыйна як Вялікі Сочы, займае прыбярэжную паласу каля 145 км і распасьціраецца ад ракі Шэпсі да дзяржаўнай мяжы з Абхазіяй па рацэ Псоў і займае агульную плошчу 3502 км². Сочы — самы працяглы горад Эўропы. Тэрыторыя гораду працягнулася уздоўж фэдэральнай аўтадарогі Джубга — Сухумі на 145 км. Тэрыторыя гораду ў цэлым разьмешчаная блізка да ўзьбярэжжа, часам адыходзіць у горныя даліны ажно да Галоўнага Каўкаскага хрыбта на адлегласьць ад 40 да 60 км. З агульнай плошчы гораду толькі 250 км² знаходзіцца пад забудовай. Па плошчы тэрыторыі, падпарадкаванай гарадзкому савету, Сочы ў 3,5 разы больш за Маскву.

У Сочы (у Адлеры ды ў паселішчы Чырвоная Паляна, якія знаходзяцца за 39 км ад берагу мора), у 2014 годзе праводзіліся зімовыя Алімпійскія гульні.

Асобы

• Барыс Нямцоў (1959—2015), расейскі палітык, віцэ-прэм’ер Расеі ў 1998 г.