Рэйчэл Макадамз

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Рэйчэл Макадамз
Rachel McAdams, 2016 (cropped).jpg
Дата нараджэньня 17 лістапада 1978(1978-11-17)[1][2][3][…] (43 гады)
Месца нараджэньня
Месца вучобы
Занятак кінаакторка, акторка, тэатральная акторка, тэлеактор, абаронца вакольнага асяродзьдзя
Узнагароды
IMDb ID nm1046097

Рэ́йчэл Мака́дамз (па-ангельску: Rachel McAdams; нарадзіўся 17 лістапада 1978 году) — канадзкая акторка. Пасьля заканчэньня вывучэньня тэатральнай справы ў Ёрскім унівэрсытэце ў 2001 годзе яна працавала ў канадзкіх тэле- і кінапрадукцыях, як то зьявілася ў драматычным фільме «Ідэальны пірог» (2002), за які атрымала намінацыю на прэмію Джыні.

Біяграфія[рэдагаваць | рэдагаваць крыніцу]

У 2002 годзе акторка дэбютавала ў галіўудзкім кіно ў камэдыі «Цыпанька». Макадамз праславілася ў 2004 годзе дзякуючы выкананьню роляў у камэдыі «Паганыя дзяўчыны» і рамантычнай драме «Дзёньнік памяці». У 2005 годзе канадзкая акторка здымалася ў рамантычнай камэдыі «Няпрошаныя госьці», псыхалягічным трылеры «Начны рэйс» і камэдыйнай драме «Камень сям’і Стоўнаў». Ува ўсіх гэтых фільмах канадку запрыкмецілі і нараклі ўзыходзячай зоркай. Пасьля кароткага адпачынку яна вярнулася да выкананьняў роляў у 2009 годзе, зьявіўшыся ў палітычным трылеры «Вялікая гульня», экранізацыі раману «Жонка падарожніка ў часе» і містычным фільме 2009 году «Шэрлак Голмз». У 2010 годзе Макадамз зьявілася ў камэдыйным фільме «Ранішняя слава», а затым была прыцягнутая да здымак фільмаў «Поўнач у Парыжы» (2011), «Кляцьба» (2012) і «Нарэшце» (2013). У 2015 годзе Макадамз зьнялася ў другім сэзоне крымінальнай драмы-анталёгіі HBO «Сапраўдны дэтэктыў» і згуляла ролю журналісткі Сашы Пфайфэр у драме «Ў цэнтры ўвагі». За апошні час акторка была намінаваная на прэмію Оскар за найлепшую жаночую ролю другога пляну. Затым рушылі ўсьлед ролі ў супэргеройскім фільме «Доктар Стрэндж» (2016), рамантычнай драме «Непаслушэнства» (2017), а таксама ў камэдыях «Ноч гульні» (2018) і «Эўрабачаньне: Сага пра агонь» (2020).

Крыніцы[рэдагаваць | рэдагаваць крыніцу]

  1. ^ Rachel McAdams // Encyclopædia Britannica (анг.)
  2. ^ Rachel McAdams // filmportal.de — 2005.
  3. ^ Rachel McAdams // Discogs (анг.) — 2000.

Вонкавыя спасылкі[рэдагаваць | рэдагаваць крыніцу]