Рыгор Семашкевіч

	Рыгор Семашкевіч
Асабістыя зьвесткі
Нарадзіўся	12 верасьня 1945; в. Дамашы, Маладэчанскі раён, Менская вобласьць
Памёр	11 чэрвеня 1982; Менск
Пахаваны	Паўночныя могілкі[d];
Літаратурная дзейнасьць
Род дзейнасьці	літаратуразнаўца, пісьменьнік, паэт
Мова	беларуская

Вікіпэдыя мае артыкулы пра іншых асобаў з прозьвішчам Семашкевіч.

Рыгор Міхайлавіч Семашкевіч (12 верасьня 1945, в. Дамашы, Маладэчанскі раён, Менская вобласьць — 11 чэрвеня 1982, Менск) — беларускі паэт, празаік, літаратуразнавец і крытык. Кандыдат філялягічных навук (1970), дацэнт (1980).

Біяграфія[рэдагаваць | рэдагаваць крыніцу]

Нарадзіўся ў сялянскай сям’і МІхаіла Піліпавіча і Алена Дзьмітрыеўны. У 1961 годзе скончыў Лебедзеўскую сярэднюю школу. У 1966 годзе скончыў філялягічны факультэт Беларускага дзяржаўнага ўнівэрсытэта. У 1966—1967 працаваў дырэктарам Малінаўскай васьмігадовай школы Смаргонскага раёна. У 1967—1969 — асьпірант катэдры беларускай літаратуры БДУ, дзе з 1970 году працаваў выкладчыкам, з 1976 году — старэйшым выкладчыкам, дацэнтам.

Сябар Саюза пісьменьнікаў БССР з 1969 году. Памёр 11 чэрвеня 1982 году. Пахаваны ў Менску на Паўночных могілках.

Творчасьць[рэдагаваць | рэдагаваць крыніцу]

Першыя вершы Р. Семашкевіча зьявіліся ў друку ў 1961 годзе, калі ён быў вучнем 10 клясы. Яго творы друкаваліся ў зборніку «Дзень паэзіі», часопісах «Маладосьць», «Полымя» і іншых пэрыядычных выданьнях.

Аўтар зборнікаў вершаў «Лесьнічоўка» (1968), «Субота» (1973), аповесьці «Бацька ў калаўроце» (1976), кнігі «Лічыла дні зязюля» (вершы, аповесьці, эсэ, 1987).

Напісаў літаратуразнаўчыя працы «Браніслаў Эпімах-Шыпіла» (1968) і «Беларускі літаратурна-грамадзкі рух у Пецярбурзе» (1971), кнігу «Выпрабаванне любоўю» (эсэ, артыкулы, 1982).

Літаратура[рэдагаваць | рэдагаваць крыніцу]

Семашкевіч Рыгор // Беларускія пісьменнікі: Біябібліягр. слоўн. У 6 т. Т. 5. Пестрак — Сяўрук / Б 43 Ін-т літ. імя Я. Купалы АН Беларусі; Беларус. Энцыкл.; Нацыянальны навукова-асветны цэнтр імя Ф. Скарыны. Пад рэд. А. В. Мальдзіса; Рэдкал.: І. Э. Багдановіч і інш. — Мн.: БелЭн, 1995. — С. 284—285. — 480 с ISBN 5-85700-168-4
Семашкевіч Рыгор / Беларускія пісьменнікі (1917—1990): Даведнік; Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. ISBN 5-340-00709-X.

Вонкавыя спасылкі[рэдагаваць | рэдагаваць крыніцу]

Рыгор Семашкевіч на Беларускай Палічцы
Сяргей Дубавец. Рыгор Семашкевіч // Радыё Свабода
«Паэт Рыгор Семашкевіч(недаступная спасылка)» карціна Адама Глёбуса