Палацава-паркавы комплекс Пуслоўскіх (Слонім)

Помнік грамадзянскай архітэктуры
Палацава-паркавы комплекс Пуслоўскіх
Палац Пуслоўскіх
Краіна	Беларусь
Места	Слонім
Каардынаты	53°05′19.2″ пн. ш. 25°23′46.78″ у. д.
Заснавальнік	Войцех Пуслоўскі[d]
Палацава-паркавы комплекс Пуслоўскіх на мапе Беларусі Палацава-паркавы комплекс Пуслоўскіх
Палацава-паркавы комплекс Пуслоўскіх на Вікісховішчы

Палацава-паркавы комплекс Пуслоўскіх — помнік архітэктуры і садова-паркавага мастацтва першай паловы XIX ст. у Слоніме. Знаходзіцца ў прадмесьці Альбэртыне, на беразе ракі Ісы. Твор архітэктуры позьняга клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Комплекс складаўся з палаца, флігеля, гаспадарчых пабудоваў (захавалася стайня) і пэйзажнага парку і лесапарку з Альбэртынскім возерам. Побач зь сябзібай разьмяшчаліся суконная і папяровая фабрыкі.

Гісторыя

Сядзіба. Н. Орда, 11 сакавіка 1865 г.

Сядзіба. Н. Орда, 24 траўня 1877 г.

Сядзіба ў Альбэртыне сфармавалася ў першай палове XIX ст. як рэзыдэнцыя слонімскага павятовага маршалка Войцеха Пуслоўскага — уладальніка прадпрыемстваў з вытворчасьці сукна, дываноў і паперы. У гэты ж час на месцы карчмы збудавалі палац.

У пачатку XX ст. пры сядзібе збудавалі стайню.

Архітэктура

Палац — помнік архітэктуры позьняга клясыцызму. Гэта 2-павярховы будынак асымэтрычнай аб’ёмна-прасторавай кампазыцыі. Галоўны фасад вылучаецца цэнтральным 4-калённым портыкам. У афармленьні галоўнага ўвахода выкарыстоўваюцца скульптуры львоў. Унутраны плян калідорны. У апрацоўцы інтэр’еру атрымалі разьвіцьцё тэмы вонкавай архітэктуры — пілёны, кесоны, стылізаваныя капітэлі.

Флігель — 2-павярховы прастакутны ў пляне будынак эклектычнай архітэктуры.

Стайня — неатынкаваны Т-падобны ў пляне будынак, у дэкоры якога выкарыстоўваецца арнамэнтальная муроўка. Кампазыцыя 2-ярусная: першы ярус вылучаецца паўцыркульнымі аконнымі праёмамі, другі — круглымі люкарнамі. У цэнтры галоўнага фасада шырокі партал зь ліштвай у выглядзе падковы і зь ляпной маскай галавы каня. З бакоў партала выступаюць рызаліты. У архітэктуры выкарыстоўваюцца элемэнты стылю мадэрн.

Парк

Палац абмяжоўваўся паркам пэйзажнага тыпу, які на берагах запруджанай ракі Ісы пераходзіў у шырокі лесапарк.

Галерэя

• Гістарычныя здымкі
• 
  да 1915 г.
• 
  1915—1918 гг.
• 
  1915 г.
• 
  1915 г.

• 
  1915 г.
• 
  1915 г.
• 
  1915—1918 гг.
• 
  1915—1918 гг.

• 
  1915—1918 гг.
• 
  1915—1918 гг.
• 
  1915—1918 гг.
• 
  1915—1918 гг.

• 
  1915—1918 гг.
• 
  1915—1918 гг.
• 
  1915—1918 гг.
• 
  1915—1918 гг.

• 
  1915—1918 гг.
• 
  1916 г.
• 
  1916 г.
• 
  1916—1917 гг.

• 
  1930 г.
• 
  да 1939 г.
• 
  да 1939 г.
• 
  да 1939 г.

• 
  да 1939 г.
• 
  да 1939 г.
• 
  1943—1944 гг.
• 
  1943—1944 гг.

Літаратура

• Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2002. — Т. 15: Следавікі — Трыо. — 552 с. — ISBN 985-11-0251-2
• Памяць: Гіст.-дакум. хроніка Слонімскага раёна. — Мн.: БЕЛТА, 2004. — 752 с.: іл. ISBN 985-6302-61-7.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  412Г000499

• Палацава-паркавы комплекс Пуслоўскіх у Слоніме, Radzima.org