Ордэн Зялезнага Рыцара

Ордэн Зялезнага Рыцара
Краіна	Беларуская Народная Рэспубліка
Тып	ордэн
Каму ўручаецца	вайскоўцам
Падставы ўзнагароджаньня	учыненьне выдатнага ваеннага ўчынку
Статус	уручаецца
Статыстыка
Дата заснаваньня	1 верасьня 1949 году
Першае ўзнагароджаньне	да 24 лютага 1952 году
Чарговасьць
Старэйшая ўзнагарода	Ордэн Пагоні

Ордэн Зялезнага (Жалезнага) Рыцара — вайсковая ўзнагарода рады БНР.

Мінуўшчына

Ордэн зацьверджаны 1 верасьня 1949 году дэкрэтам прэзыдэнта Рады БНР Міколы Абрамчыка. Ордэн Зялезнага Рыцара быў прызначаны для «адзначэньня ваенных ці вайсковых заслугаў» і быў узнагародай «выдатных ваенных учынкаў». Гэтую ўзнагароду меў права надаваць галоўны камандовец беларускага войска, або ў мірны час — былы галоўны камандовец. Аднак на пачатку 1950-х гадоў галоўнага камандоўца не было, таму «капітулу ордэну «Зялезнага Рыцара» часова замяняў прэзыдэнт Рады БНР. Статут ордэна быў зацьверджаны й пачаў дзейнічаць з 6 жніўня 1951 году.

Аднак пакуль невядома, ці была вырабленая гэтая ўзнагарода, ці яна засталася толькі праектам. У беларускай газэце «Бацькаўшчына», якая выдавалася ў Мюнхэне, у нумары за 24 лютага 1952 году быў пададзены толькі малюнак ордэна, а таксама статут. У гэтай публікацыі былі таксама й іншыя ўзнагароды БНР. Паводле гэтае ж газэты гэтым мэдалем ужо былі ўзнагароджаныя:

• Міхал Вітушка — Ордэрам Зялезнага Рыцара 3-й клясы.
• Усевалад Родзька — Ордэрам Зялезнага Рыцара 3-й клясы.
• Маёр Саха — Ордэрам Зялезнага Рыцара 4-й клясы.
• 3-ы Камандоўцы асобных аддзелаў і адзін афіцэр сувязі — Ордэрамі Зялезнага Рыцара 4-й клясы

Апісаньне

Ордэн Зялезнага Рыцара мае чатырохканцовы крыж, пасярэдзіне якога дзьве скрыжаваныя шаблі. Ордэн выконваецца з золата, срэбра ці бронзы, шаблі на ім з таго ж матэрыялу, што й ордэн. На раменьнях крыжа літары «Б.Н.Р.» Адваротны бок ордэна як пярэдні, але безь літараў і шабляў і з парадкавым нумарам. Стужка чырвонага (цёмнага) і зямельнага (бурага) колеру, зложаная трохкутнікам. На стужцы дзьве скрыжаваныя шаблі, як і на ордэне.

Ступені

Ордэн падзяляўся на пяць клясаў, а таксама на:

• Вялікі Крыж
• Камандорскі Крыж
• Кавалерыйскі Крыж
• Залаты Крыж ордэна Зялезнага Рыцара
• Срэбны Крыж ордэна Зялезнага Рыцара

Вонкавыя спасылкі

• Значкі, жэтоны, мэдалі
• РАДА БНР ЯК НАЙСТАРЭЙШАЯ БЕЛАРУСКАЯ ДЭМАКРАТЫЧНАЯ ADVOCACY GROUP
• Мазырэц Ц. Узнагароды Беларусі
• Пра ўзнагароды