Ніклот

	Ніклот
князь бодрычаў
	1131 — 1160
Папярэднік	Канут Лавард
Асабістыя зьвесткі
Нарадзіўся	1100
Памёр	жнівень 1160,

Ніклот^[1], Ні́клат^[2] (? — 1160) — князь бодрычаў (1131—1160).

Пачынальні анямечанага ў наступных пакаленьнях роду мэкленбурскіх князёў.

Біяграфія

Ачольваў супраціў палабска-прыбалтыйскіх славянаў нямецкай (саксонцы) і дацкай (Кнуд Шлезьвіскі) экспансіі. Імкнуўся захаваць добрыя дачыненьні з саксонцамі: у 1131 годзе прызнаў вяршэнства Лётара III з Суплінбурга, потым саксонскага герцага Генрыха Льва, што не выратавала яго ад пазьнейшых нападаў.

У час крыжовай выправы супраць славянаў 1147 году зладзіў пасьпяховую абарону зямель бодрычаў ад уварваньня войска Генрыха Льва, зьдзейсьніў напад на апорныя пункты крыжакоў у Вагрыі, спаліў места Любэк, разьбіў крыжацкае войска каля збудаванай ім крэпасьці Добін, што вымусіла крыжакоў скласьці мір.

Загінуў у час новай выправы Генрыха Льва^[2].

Меў сыноў Прыбыслава і Варціслава.

Крыніцы

^ Урбан П. Старажытныя ліцьвіны: мова, паходжаньне, этнічная прыналежнасьць. — Менск: 2001. С. 52.
^ ^а ^б БЭ. — Мн.: 2000 Т. 11. С. 344.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 11: Мугір — Паліклініка. — 560 с. — ISBN 985-11-0188-5

[1] Урбан П. Старажытныя ліцьвіны: мова, паходжаньне, этнічная прыналежнасьць. — Менск: 2001. С. 52.

[BE-344-2] а ^б БЭ. — Мн.: 2000 Т. 11. С. 344.

[1]

[2]