Готшалк

	Готшалк
князь бодрычаў
	1043 — 1066
Папярэднік	Рацібор
Наступнік	Крут
Асабістыя зьвесткі
Нарадзіўся	1000
Памёр	7 чэрвеня 1066,

Готшалк (каля 1010 — 7 чэрвеня 1066) — князь бодрычаў (1031—1066; фактычна з 1044).

Імя

Готшалк — імя германскага паходжаньня^[1].

Біяграфія

Выхоўваўся ў кляштары Сьвятога Міхала ў Люнэбургу (Нямеччына). Па сьмерці бацькі Уда (каля 1030 году) вярнуўся на радзіму і стаў княжыць, аднак неўзабаве яко скінулі саксонцы, па чым выехаў у Данію. З дапамогай свайго цесьця дацкага караля Кнуда I Вялікага і брэмэнскага архіяпіскапа Адальбэрта II вярнуўся ў 1044 годзе не княскі сталец.

Заснаваў Вэндзкую дзяржаву. Укараняў хрысьціянства, намагаўся стварыць незалежную славянскую царкву.

Загінуў у час паўстаньня (падбухторанага племянной знацьцю), якое праходзіла пад лёзунгам вяртаньня да паганства^[2].

Быў двойчы жанатым, яго другой жонкай была Сыгрыда, дачка караля Даніі Свэна II Эстрыдсэна. Старэйшым сынам быў Будзівой. Ад другога шлюбу меў сына Генрыка.

Глядзіце таксама

Войшалк

Крыніцы

^ Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 18.
^ БЭ. — Мн.: 1997 Т. 5. С. 370.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1997. — Т. 5: Гальцы — Дагон. — 576 с. — ISBN 985-11-0090-0

[1] Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 18.

[2] БЭ. — Мн.: 1997 Т. 5. С. 370.

[1]

[2]