Нацыянальны стадыён (Лусаіль)

Зьвесткі зь Вікіпэдыі — вольнай энцыкляпэдыі
Нацыянальны стадыён
Краіна Катар
Адрас стадыёну Лусаіль, CFCR 75
Год пабудовы красавік 2021
Дата адкрыцьця 22 лістапада 2021
Умяшчальнасьць 88 966
Геаграфічныя каардынаты 25°25′15″ пн. ш. 51°29′25″ у. д. / 25.42083° пн. ш. 51.49028° у. д. / 25.42083; 51.49028Каардынаты: 25°25′15″ пн. ш. 51°29′25″ у. д. / 25.42083° пн. ш. 51.49028° у. д. / 25.42083; 51.49028
Нацыянальны стадыён на мапе Катару
Нацыянальны стадыён
Нацыянальны стадыён
Нацыянальны стадыён

Нацыянальны стадыён — футбольны стадыён у катарскім горадзе Лусаіль. Адметны тым, што на стадыёне пройдзе фінальная гульня чэмпіянату сьвету 2022 году[1]. Стадыён, які належыць Катарскай футбольнай асацыяцыі[2], ёсьць найбуйнейшым стадыёнам у Катары, і адным з васьмі стадыёнаў, на якім ладзяцца матчы чэмпіянату сьвету 2022 году[3]. Стадыён знаходзіцца за 20 км на поўнач ад Дохі[4]. Стадыён быў адкрыты 22 лістапада 2021 году матчам Саудаўска-эгіпецкага кубка, калі саудаўскі чэмпіён «Аль-Гіляль» згуляў супраць пераможца эгіпецкага першынства «Замалека».

Будаўніцтва[рэдагаваць | рэдагаваць крыніцу]

Працэс плянаваньня стадыёну пачаўся ў 2014 годзе[5]. Будаўніцтвам стадыёну займаліся сумеснае прадпрыемства катарскай кампаніі HBK Contract і Кітайскай чыгуначнай будаўнічай карпарацыі[6][7]. Праект стадыёну быў распрацаваны брытанскай фірмай Фостэр і партнэры і архітэктурным бюро з ЗША кампаніяй Posulous[8]. Як і іншыя стадыёны, заплянаваныя да чэмпіянату сьвету 2022 году, Нацыянальны стадыён мае тэхналёгію астуджанэньня з дапамогай сонечнай энэргіі з нулявым выкідам вугляроду[9].

Будаўніцтва пачалося 11 красавіка 2017 году[10]. Першапачаткова завяршэньне будаўніцтва стадыёну было запланаванае на 2020 год. Пасьля чэмпіянату сьвету, як чакаецца, арэна будзе перабудаваная да умяшчальнасьці 40 тысяч месцаў[11]. Залішнія сядзеньні будуць выдаленыя, а іншыя часткі будынку пераробленыя ў зоны з крамамі, кавярнямі, спартовымі і адукацыйнымі аб’ектамі, а таксама установы аховы здароўя[12]. Як і іншыя стадыёны, падрыхтаваныя да чэмпіянату сьвету, 16 жніўня 2022 году стадыён атрымаў пяць зорак[13].

Крыніцы[рэдагаваць | рэдагаваць крыніцу]