«Навіны» — грамадзка-палітычная газэта, якая выдавалася з 16 студзеня 1998 году па 29 верасьня 1999-га[1] ў Менску на беларускай мове. Замяніла газэту «Свабода», якую 24 лістапада 1997 г. зачыніў Вышэйшы гаспадарчы суд Рэспублікі Беларусь. 24 верасьня 1999 году суд задаволіў зыск Дзяржаўнага сакратара Рады Бясьпекі Віктара Шэймана да газэты й журналіста Сяргея Аніські памерам 15 млрд. рублёў. 25 лютага 2000 году аднаўляецца выпуск і выходзіць 8-палосны першы нумар газэты «Наша Свабода».
