Міхась Біч

Міхась Біч лац. Michaś Bič
Дата нараджэньня	27 траўня 1937(1937-05-27)
Месца нараджэньня	Мілявічы, Гміна Дзярэчын[d], Слонімскі павет, Наваградзкае ваяводзтва, Польская Рэспубліка
Дата сьмерці	17 траўня 1999(1999-05-17) (61 год)
Месца сьмерці	Менск, Беларусь
Месца вучобы	Беларускі дзяржаўны ўнівэрсытэт (1958)
Занятак	гісторык
Навуковая сфэра	Гісторыя
Месца працы	Нацыянальная акадэмія навук Беларусі (1961—1999)
Навуковая ступень	доктар гістарычных навук
Навуковы кіраўнік	Канстанцін Шабуня
Вучні	Віктар Пічукоў, Аляксандар Смалянчук, Сяргей Токць

Міхась Восіпавіч Біч (1937; в. Мілявічы, цяпер Мастоўскі раён, Гарадзенская вобласьць, Беларусь — 1999, Менск) — беларускі гісторык. Доктар гістарычных навук (1985). Дасьледнік працоўнага руху Беларусі 2-ой паловы 19 ст.

Біяграфія

Нарадзіўся ў сялянскай сям’і Восіпа Пятровіча і Ганны Антонаўны Бічоў. Скончыў Дзярэчынскую сярэднюю школу (Зэльвенскі раён). У 1953 г. праз конкурс 8-м чалавек на месца паступіў на гістарычны факультэт БДУ, які скончыў з адзнакай у 1958 г. Працаваў настаўнікам у сельскіх школах Пастаўскага (Віцебская вобласьць) і Мастоўскага раёнаў. У 1961 г. загаднік сэктарам гісторыі Беларусі эпохі капіталізму ў Інстытуце гісторыі Акадэміі навук БССР прафэсар Канстанцін Шабуня прыняў М. Біча на пасаду малодшага навуковага супрацоўніка. У наступным М. Біч стаў загаднікам аддзела, адначасова з 1989 году намесьнікам дырэктара інстытуту.

Дасьледваў гісторыю Беларусі ХІХ — пачатку ХХ стагодзьдзяў: праблемы працоўнага і сацыял-дэмакратычнага руху, фармаваньня клясаў і палітычных партыяў, грамадзка-палітычнай барацьбы, народніцкага і нацыянальнага руху, пэрыядычнага друку.

Падрыхтаваў шэраг кандыдатаў (Віктар Пічукоў, Алесь Смалянчук (паздней абараніў доктарскую дысэртацыю), Сяргей Токць і др.) і дактароў навук (Святлана Снапкоўская).

Адзін з аўтараў «Гісторыі Беларуская ССР» (т. 2, 1978), «Гісторыі рабочага класа Беларускай ССР» (т. 1, 1984), калектыўных манаграфіяў «Гістарычныя карані дружбы і згуртаванасці ўкраінскага і беларускага народаў» (1978), «Асвета і педадагічная думка ў Беларусі: са старажытных часоў да 1918 г.» (1985), «Полацк: Гістарычны нарыс» (2 выд., 1987), навучальнага дапаможніка «Гісторыя Беларусі ХХ ст.» (1992), Аўтар дапаможніка для вучняў «Гісторыя Беларусі: Канец XVIII ст. — 1917 г.» (1993).Адзінаасобна напісаў наступныя манаграфіі:

1. Развитие социал-демократического движения в Белоруссии в 1883-1903 гг. — Минск,1973
2. Рабочее движение в Белоруссии в 1861-1904гг. — Минск,1983

Літаратура

• Памяць: Гіст.-дакум. хроніка Мінска. У 4 кн. Кн. 2-я. — Мн.: БЕЛТА, 2002. — 714 с.: іл. ISBN 985-6302-46-3.
• Алесь Смалянчук. Міхась Восіпавіч Біч // Беларускі гістарычны агляд. Том 6, сшыткі 1-2 (10-11). Снежань 1999.

Вонкавыя спасылкі

• Алесь Смалянчук. Сьпіс навуковых публікацыяў Міхася Восіпавіча Біча // Гістарычны альманах : часопіс. — 2002. — Т. 6. — С. 7-17.
• М. Біч. Паўстанне 1863—1864 гг. Кастусь Каліноўскі // Гістарычны Альманах. Том 6 / 2002