Міраслаў Масакоўскі

Міраслаў Масакоўскі
	Міраслаў Масакоўскі
	Mirosław Jan Mossakowski
Дата нараджэньня	23 верасьня 1929
Месца нараджэньня	Бяроза-Картуская, Польская Рэспубліка
Дата сьмерці	26 сьнежня 2001 (72 гады)
Месца пахаваньня	Вайсковыя могілкі на Павонзках[d];
Месца вучобы	Мэдычная акадэмія ў Гданьску
Занятак	нэўроляг, дасьледнік, неўрапатолаг
Навуковая сфэра	Нэўралёгія, нэўрапаталёгія
Месца працы	Польская акадэмія навук;
Сябра ў	Польская акадэмія навук, Варшаўскае навуковае таварыства[d] і American Association of Neuropathologists[d]
Узнагароды	ганаровы доктар Ягелонскага ўнівэрсытэту[d]
	Міраслаў Масакоўскі ў Вікісховішчы

Мірасла́ў Ян Масако́ўскі (па-польску: Mirosław Jan Mossakowski; 23 верасьня 1929, Бяроза-Картуская, Польская Рэспубліка — 26 сьнежня 2001) — польскі лекар-нэўроляг і нэўрапатоляг, старшыня Польскай Акадэміі навук (1999—2001), аўтар больш за 200 навуковых прац, шматлікіх манаграфіяў і падручнікаў.

Жыцьцяпіс

Нарадзіўся ў Бярозе-Картускай, скончыў тут пачатковую школу. Пасьля вучыўся ў пружанскай гімназіі, гімназіях у Цеханаўцу і Ліпне. Скончыў лекарскі факультэт Мэдычнай акадэміі ў Гданьску. Ад 1954 у асьпірантуры ў Інстытуце гістапаталёгіі нэрвовай сыстэмы ПАН у Варшаве. У 1958 року атрымаў спэцыялізацыю I ступені па нэўралёгіі, у 1961 — II ступені. У 1959—1960 роках стажыраваўся ў Манрэалі. У 1960 атрымаў тытул доктара мэдычных навук, у 1966 габілітаваўся. У 1966—1967 роках ізноў на стажыраваньні, гэтым разам у Бэтэсьдзе. Заснавальнік (1967) і шматгадовы кіраўнік Групы нэўрапаталёгіі Цэнтру экспэрымэнтальнай і клінічнай мэдыцыны (ЦЭіКМ) ПАН, ад 1975 дырэктар ЦЭіКМ.

Чалец Амэрыканскай асацыяцыі нэўрапатолягаў (ад 1960), Міжнароднага таварыства нэўрапатолягаў (ад 1967, віцэ-прэзыдэнт у 1976—1980), ганаровы сябра Польскага таварыства патолягаў, ганаровы сябра Таварыства польскіх нэўрапатолягаў, сябра Варшаўскага навуковага таварыства. Доктар honoris causa Ягелонскага ўнівэрсытэту і Мэдычных акадэмій у Гданьску, Беластоку ды Любліне.

Памёр у сьнежні 2001 року пасьля працяглай хваробы. Пахаваны на Павонзках.

Выбраныя працы

«Асновы нэўрапаталёгіі» (1981)
Пухліны нэрвовай сыстэмы. — Zakład Narodowy im. Ossolińskich, 1997. — ISBN 8304043661

Вонкавыя спасылкі

^ Miroslaw J. Mossakowski // Base biographique (фр.) — BIU Santé.
^ http://czlonkowie.pan.pl/czlonkowie/sites/WynikiWyszukiwania.html?s=MOSSAKOWSKI,%20Miros%C5%82aw%20

[_aa85f3b6c3388cf9-1] Miroslaw J. Mossakowski // Base biographique (фр.) — BIU Santé.

[_289f4e26cffdb7e3-2] ttp://czlonkowie.pan.pl/czlonkowie/sites/WynikiWyszukiwania.html?s=MOSSAKOWSKI,%20Miros%C5%82aw%20

[1]

[2]