Мікола Шчорс

Мікола Шчорс
Мікола Шчорс, мастак Анатоль Крывенка, 1995
Старшыня Беларускага кангрэсавага камітэту Амэрыкі
1951 — 1955
Папярэднік:	не было
Старшыня Беларускага праваслаўнага аб’яднаньня
1946 — 1947
Старшыня Беларускага нацыянальнага цэнтру
19 чэрвеня 1941 — ліпень 1941
Старшыня Беларускага студэнцкага саюзу
1935 — 1937
Асабістыя зьвесткі
Нарадзіўся:	1913 Новы Сьвержань, Стаўпецкі раён
Памёр:	22 сьнежня 1995 Даўнт-Мора, (Флорыда), ЗША
Партыя:	БККА
Адукацыя:	Унівэрсытэт Стэфана Баторыя
Мікола Шчорс у Вікісховішчы

Мікалай Шчорс (1913, Новы Сьвержань, Стаўпецкі раён — 22 сьнежня 1995, Даўнт-Мора, Флорыда, ЗША) — беларускі грамадзка-палітычны дзяяч. Доктар мэдыцыны, старшыня БККА, віцэ-прэзыдэнт Амэрыканскай асацыяцыі хірургаў.

Жыцьцяпіс

Скончыў мэдыцынскі факультэт Віленскага ўнівэрсытэту. Старшыня Беларускага студэнцкага саюзу з 1935 па 1937 год. Зьехаў у 1939 годзе ў Варшаву. Старшыня Беларускага камітэту ў Варшаве ў 1940 годзе.

На пасяджэньні беларускага актыву ў Бэрліне 19 чэрвеня 1941 году абраны старшынём Беларускага нацыянальнага цэнтру, які разглядаўся як урад будучай Беларусі, аднак праз пару тыдняў адмовіўся ад палітычнай дзейнасьці і вярнуўся ў Варшаву.

У Нямеччыне з 1944 году. Узначальваў Беларускае праваслаўнае аб’яднаньне у 1946—1947 гадах. У 1949 годзе пераехаў у ЗША.

Адзін са стваральнікаў Беларускага кангрэсавага камітэту Амэрыкі (БККА). Старшыня БККА з 1951 па 1955 год.

Разам зь Юрыем Сабалеўскім, Міколам Паньковым, Іванам Касяком, Леанідам Галяком стварыў Камітэт незалежнай Беларусі у 1955 годзе.

Сям’я

Яго бацька Васіль і браты Барыс і Ігар таксама прымалі ўдзел у нацыянальным руху як на Радзіме, так і на эміграцыі.

Вонкавыя спасылкі

• Шчорс Мікола // Беларускі нацыяналізм: Даведнік. — Менск: Голас Краю, 2001.
• Спадчына