Мікола Антаноўскі

Зьвесткі зь Вікіпэдыі — вольнай энцыкляпэдыі
Мікола Антаноўскі
Выступ Міколы Антаноўскага на ўручэньні «Мядовай прэміі»-2007
Выступ Міколы Антаноўскага на ўручэньні «Мядовай прэміі»-2007
Асабістыя зьвесткі
Імя пры нараджэньні Мікалай Дзьмітрыевіч Антаноўскі
Нарадзіўся 6 студзеня 1952 (72 гады)
в. Сташаны, Пінскі раён Берасьцейскай вобласьці
Літаратурная дзейнасьць
Род дзейнасьці паэт, журналіст, публіцыст
Мова беларуская
Дэбют «Сялянская праўда» (Ганцавічы)

Міко́ла (Мікала́й Дзьмі́трыевіч) Антано́ўскі (*6 студзеня[1] 1952, в. Сташаны Пінскага раёну) — беларускі паэт, журналіст, публіцыст.

Жыцьцяпіс[рэдагаваць | рэдагаваць крыніцу]

Скончыўшы мясцовую сярэднюю школу, працаваў у калгасе, пасьля адслужыў у войску (1970—1972). Папрацаваўшы год у ганцавіцкай раённай газэце «Савецкае Палесьсе», паступіў на факультэт журналістыкі БДУ (скончыў у 1978).

Накіраваны ў браслаўскую «раёнку». У 1982 пераехаў у Пружану, працаваў загадчыкам аддзелу пісьмаў газэты «Зара камунізму» (цяпер «Раённыя будні»). З 1984 — галоўны рэдактар.

Сябра Саюзу пісьменьнікаў Беларусі (1996), былы сябра праўленьня ГА «Беларускі саюз журналістаў»[2], сябра ТБМ імя Францішка Скарыны.

Вершы піша са школьнага ўзросту, упершыню публікаваўся ў ганцавіцкай раённай газэце «Палеская праўда» (пасьля «Савецкае Палесьсе»). Вершы друкаваліся ў часопісах «Маладосьць», «Полымя», штотыднёвіку «Літаратура і мастацтва», альманаху «Дзень паэзіі», рэспубліканскіх газэтах.

Аўтар зборнікаў вершаў «Сьвятаяньнік» (1993) і «Падсочаны бор». Узнагароджаны знакам Беларускага саюзу журналістаў за кнігу нарысаў «Зялёная рапсодыя».

Бібліяграфія[рэдагаваць | рэдагаваць крыніцу]

  • Святаяннік: Вершы (1993)
  • Падсочаны бор: Вершы (1997)
  • Зелёная рапсодия. Леса и лесоводы Пружанщины : документальный очерк / Н. Д. Антоновский; фото А. Мелеш. — Брест: Беларусь, Дзярж. ляс. ахова, 2004.

Крыніцы і заўвагі[рэдагаваць | рэдагаваць крыніцу]

  1. ^ Каляндар знамянальных і памятных дат. Берасьцейская абласная бібліятэка імя ГоркагаПраверана 17 кастрычніка 2011 г.
  2. ^ XIII съезд ОО „Белорусский союз журналистов“ (рас.). Беларускі саюз журналістаў (13 кастрычніка 2015). Праверана 10 сакавіка 2021 г.

Літаратура[рэдагаваць | рэдагаваць крыніцу]

  • Здановіч І. Антаноўскі Мікалай Дзмітрыевіч // Рупліўцы беларускага нацыянальнага адраджэньня з Пружаншчыны: Грамадска-літаратурны даведнік. — Пружаны: 2003. — С. 8—12.

Вонкавыя спасылкі[рэдагаваць | рэдагаваць крыніцу]