Мікалай Радзівіл (жамойцкі біскуп)

Мікалай Радзівіл
лац. Mikałaj Radzivił

Мікалай Радзівіл
Герб Трубы
Асабістыя зьвесткі
Нарадзіўся	1492, каля 1495 або 1 студзеня 1492
Памёр	3 лістапада 1529 або каля 1529 Варні, Жамойцкае староства, Вялікае Княства Літоўскае
Род	Радзівілы
Бацькі	Мікалай Радзівіл Альжбета з Саковічаў
Дзейнасьць	каталіцкі сьвятар, каталіцкі біскуп

Мікалай Радзівіл (каля 1492 — 3 лістапада 1529/1530, Варні, Жамойцкае староства) — царкоўны дзяяч Вялікага Княства Літоўскага. Біскуп жамойцкі (з 1521).

Біяграфія

З гонядзка-мядзельскай лініі роду Радзівілаў гербу Трубы, сын Мікалая, канцлера вялікага літоўскага, і Альжбеты з Саковічаў. Меў брата Яна, падчашага вялікага літоўскага і старосту генэральнага жамойцкага.

Навучаўся ў Балёньні і Рыме. Там жа ў Італіі, відаць, атрымаў каплянскае прызначэньне.

Дзякуючы ўпрыву бацькі і стрыя біскупа віленскага Войцеха Радзівіла, у 1521 годзе стаў біскупам жамойцкім. Не адыграў аднак вялікай ролі ў гісторыі Вялікага Княства Літоўскага.

Галерэя

• Іканаграфія Мікалая Радзівіла
• 
  Невядомы мастак, каля 1646—53 гг.
• 
  З альбома «Выявы роду Радзівілаў». Г. Ляйбовіч, 1758 г.
• 
  М. Старкман, 1857 г.

У картцы да артыкула прыводзіцца партрэт зь Нясьвіскай партрэтнай галерэі, напісаны каля 1733 году невядомым мастаком. У 1950 годзе на загад уладаў СССР гэты партрэт перадалі Польшчы, цяпер ён захоўваецца ў Нацыянальным музэі ў Варшаве.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0