Мікалай Алексютовіч

Мікалай Алексютовіч
	Мікалай Алексютовіч
	Мікалай Астапавіч Алексютовіч
Дата нараджэньня	5 лютага 1921
Месца нараджэньня	Бахаравічы
Дата сьмерці	27 красавіка 1967 (46 гадоў)
Месца сьмерці	Менск
Месца вучобы	БДУ (1952); Інстытут філязофіі (1955);
Занятак	гісторык, філёзаф
Навуковая сфэра	гісторыя, філязофія
Месца працы	Беларускі дзяржаўны тэхналягічны ўнівэрсытэт; Інстытут філязофіі;
Навуковая ступень	кандыдат філязофскіх навук[d] (1955)
Узнагароды
	Мікалай Алексютовіч у Вікісховішчы

Вікіпэдыя мае артыкулы пра іншых асобаў з прозьвішчам Алексютовіч (неадназначнасьць).

Мікалай Астапавіч Алексютовіч (5 лютага 1921, вёска Бахаравічы Пухавіцкага раёну Менскай вобласьці — 27 красавіка 1967, Менск) — беларускі гісторык філязофіі, філёзаф. Кандыдат філязофскіх навук (1955).

Жыцьцяпіс

Скончыў аддзяленьне філязофіі гістарычнага факультэту БДУ (1952). З 1952 — у Інстытуце філязофіі і права (ІФП) АН БССР. У 1955 року абараніў кандыдацкую дысэртацыю на тэму «Перадавая грамадзкая і філязофская думка ў Беларусі ў XVI ст.». Працаваў у Інстытуце філязофіі і права АН Беларусі, у Беларускім тэхналягічным інстытуце (з 1963).

Дзейнасьць

Дасьледаваў гісторыю грамадзка-палітычнай і філязофскай думкі, гісторыю рэлігіі і атэізму на Беларусі эпохі Сярэднявечча, асьветніцкую дзейнасьць, літаратурную творчасьць і сьветапогляды Францішка Скарыны, Сымона Буднага, Васіля Цяпінскага, Лаўрэнція Зізанія й інш.

Адзін са складальнікаў і аўтараў кнігі «З гісторыі філязофскай і грамадзка-палітычнай думкі Беларусі» (Мн., 1962), якая ўвяла ў навуковае карыстаньне працы мысьляроў Беларусі XVI—XVIII ст.

У дыскусіі па кнізе Аляксандра Коршунава «Апанас Філіповіч: Жыцьцё і творчасьць» выказаў думку пра патрэбу новага аб’ектыўнага падыходу да пытаньня пра беларускую дзяржаўнасьць у Сярэднявеччы (А дзе ж ісціна аб’ектыўная? // Полымя, 1966, № 5).

Бібліяграфія

Гуманистические идеи в Белоруссии: Скорина и его последователи // История философии в СССР. — М., 1968.
Светапогляд Ф. Скарыны // 450 год беларускага кнігадрукавання. — Мн., 1968.
Францыск Скарына // Нарысы гісторыі народнай асветы і педагагічнай думкі ў Беларусі. — Мн., 1968.
Імя яго гучыць у стагоддзях // Полымя, 1967, № 7.
А дзе ж ісціна аб’ектыўная? // Полымя, 1966, № 5
З глыбінь стагоддзяў: Беларускі філосаф К. Лышчынскі // Полымя, 1966, № 1.
Из истории философской и общественно-политической мысли Белоруссии. Избранные произведения XVI — нач. XIX в. — Мн., 1962 (чл. авт. кол.).
Обзорная рецензия на изданные материалы, лекции по вопросам научно-атеистической секции. — Мн., 1961.
«Святло ў цемры» (1960)
Скарына, яго дзейнасць і светапогляд. — Мн., 1958.
Передовая общественная и философская мысль в Белоруссии в XVI в.: Автореферат диссертации. — Мн., 1955.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1996. — Т. 1: А — Аршын. — 552 с. — ISBN 985-11-0036-6
Энцыклапедыя гісторыі Беларусі. У 6 т.. — Мн.: 1993 Т. 1: А — Беліца. — С. Батвіннік М. Б..