Матэо Палітана

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Матэо Палітана
Пэрсанальная інфармацыя
Нарадзіўся 3 жніўня 1993 (26 гадоў)
Рым, Італія
Рост 171 см
Вага 65 кг
Пазыцыя паўабаронца
Клюбная інфармацыя
Клюб Інтэрнацыянале Мілян
Нумар 16
Клюбы
Гады Клюб Гульні (галы)¹
2012—2013
2012—2013
2013—2015
2015—
2018—
Рома
Пэруджа
Пэскара
Сасуолё
Інтэрнацыянале Мілян
0 (0)
28 (8)
72 (11)
96 (20)
11 (2)
Зборныя
2018— Італія 2 (1)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
3 лістапада 2018.
² Колькасьць гульняў і галоў за нацыянальную зборную
ў афіцыйных матчах, адкарэктавана на
20 лістапада 2018.

Матэ́о Паліта́на (па-італьянску: Matteo Politano; нарадзіўся 3 жніўня 1993 году, Рым, Італія) — італьянскі футбаліст, паўабаронца клюбу «Інтэрнацыянале» і нацыянальнай зборнай Італіі. Правы на гульца належаць іншаму італьянскаму клюбу «Сасуолё».

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Продкі Матэо паходзяць з Калябрыі, а сваю кар’еру малады гулец пачаў у акадэміі «Ромы». У рымскім клюбе Матэо гуляў у моладзевах камандах, выступаючы ў Прымавэры. У ліпені 2012 году быў аддадзены ў арэнду ў клюб «Пэруджа», зь якім дэбютаваў у матчы Кубку Італіі.

30 чэрвеня 2013 году быў прададзены ў «Пэскару», стаўшы часткай дамовы аб пераходзе шэрагу футбалістаў паміж клюбамі. У новым клюбе Напаліта прабіўся ў асноўны склад, дзякуючы чаму вымусіў «Рому» выкупіць гульца назаж за 601 тысячу эўра[1]. Аднак ужо празь некалькі дзён «Рома» аддала гульца ў «Сасуолё» ў часовае валоданьне з правамі выкупу гульца[2]. Праз сэзон у чэрвені 2016 году «Сасуолё» скарысталася пунктам у дамове і выкупіла гульца.

30 чэрвеня 2018 году Палітана адправіўся ў мілянскі «Інтэрнацыянале», паводле пагадненьня «Сасуолё» з клюбам з поўначы краіны. Дамова разьлічана на год да чэрвеня 2019 году, аднак мілянскі клюб мае правы на выкуп футбаліста[3]. 16 верасьня 2018 году Матэо згуляў свой 100 матч у Сэрыі А, які аднак склаўся ня вельмі ўдала для клюбу, бо «Інтэр» саступіў «Парме» ў хатнім матчы зь лікам 0:1[4].

Міжнародная[рэдагаваць | рэдагаваць крыніцу]

Палітана прыцягваўся да складу юнацкай і моладзевай зборнй Італіі. 5 лістапада 2016 году ўпершыню быў запрошаны ў склад зборнай Італіі на адборачныя матчы да чэмпіянату сьвету 2018 году супраць зборнай Ліхтэнштайну. Аднак, дэбют гульца прыпаў на таварыскі матч супраць зборнай Саудаўскай Арабіі, які скончыўся перамогаў італьянцаў зь лікам 2:1.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Матэо Палітанасховішча мультымэдыйных матэрыялаў