Марына Барсток

Марына Барсток
	Марына Барсток
Дата нараджэньня	15 красавіка 1916
Месца нараджэньня	Наркавічы[d], Дрысенскі павет[d], Віцебская губэрня, Расейская імпэрыя;
Дата сьмерці	чэрвень 1994 (78 гадоў)
Месца сьмерці	Менск, Беларусь;
Месца пахаваньня	Паўночныя могілкі[d];
Месца вучобы	Полацкі каледж[d] (1935); філялягічны факультэт БДУ (1945); Магілёўскі дзяржаўны ўнівэрсытэт імя Аркадзя Куляшова; БДПІ;
Занятак	літаратуразнаўца, пісьменьніца, паэтка, літаратурны крытык, літаратар
Навуковая сфэра	літаратуразнаўства, літаратурная крытыка, літаратурная дзейнасць[d] і паэзія
Месца працы	Інстытут літаратуры імя Янкі Купалы; Зара[d];
Сябра ў	Саюз пісьменьнікаў СССР і Саюз беларускіх пісьменьнікаў
Навуковая ступень	кандыдат філялягічных навук[d]

Марына (Марыя Мікітаўна) Барсток (15 красавіка 1916, в. Наркавічы, Верхнядзьвінскі раён — 1994) — беларуская літаратуразнавец, паэтэса. Кандыдат філялягічных навук (1950). Сябра СП СССР з 1951 году^[2].

Жыцьцяпіс

Нарадзілася ў сялянскай сям’і. У 1935 годзе скончыла Полацкі пэдагагічны тэхнікум. Два гады настаўнічала ў мястэчку Ветрына на Віцебшчыне. Вучылася завочна ў Магілёўскім пэдагагічным інстытуце, з 1973 году — студэнтка Менскага пэдагагічнага інстытута імя Горкага. Пасьля вызваленьня Заходняй Беларусі была накіравана працаваць загадчыкам аддзелу культуры Берасьцейскай абласной газэты «Заря». На пачатку Вялікай Айчыннай вайны пераехала ў Горкаўскую вобласьць. У 1945 годзе скончыла філлягічны факультэт Беларускага дзяржаўнага ўнівэрсытэту^[2], потым асьпірантуру пры Інстытуце мовы, літаратуры і мастацтва АН БССР. У 1949—1979 гг. — навуковы супрацоўнік Інстытуту літаратуры імя Я. Купалы АН БССР^[2].

Творчасьць

У друку пачала выступаць з 1949 году^[2]. Напісала кнігі «Вобраз станоўчага героя ў творчасьці Якуба Коласа» (1951), «Пятро Глебка» (1952), «Вывучэньне творчасьці Кузьмы Чорнага ў школе» (1959; другое, дапоўненае выданьне ў 1973), «Максім Багдановіч» (1961; другое, дапоўненае выданьне ў 1974), «Адзінства і разнастайнасьць сучаснай беларускай паэзіі» (1973), «Руплівы поўдзень: Нарыс творчасьці Генадзя Бураўкіна» (1984)^[2]. Выдала брашуру «Пятрусь Броўка» (1955), «Віднейшы беларускі дзіцячы пісьменьнік Янка Маўр» (1958), «Максім Танк» (1962), «Вялікі Кастрычнік і беларуская літаратура» (1977) і інш.

Адна з аўтараў «Гісторыя савецкай беларускай літаратуры» (1966), «История многонациональной советской литературы» (1977), «История белорусской советской литературы» (1977)^[2], дапаможніка для студэнтаў ВНУ «Беларуская дзіцячая літаратура» (1966). Выступала ў пэрыядычным друку зь вершамі і артыкуламі па пытаньнях дзіцячай літаратуры^[2].

Крыніцы

^ ^а ^б ^в ^г Barstok, Maryja Mìkìtaŭna // Нацыянальная служба Чэскай рэспублікі
^ ^а ^б ^в ^г ^д ^е ^ё Барсток Мария Никитична // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 42. — 737 с.

Літаратура

Барсток Марына (Марыя Мікітаўна) // Беларуская энцыкляпэдыя: у 18 т. — Мн.: БелЭн., 1996. — Т. 2. — С. 318.

[_be7ad49bf54d5d08-1] а ^б ^в ^г Barstok, Maryja Mìkìtaŭna // Нацыянальная служба Чэскай рэспублікі

[БС-2] а ^б ^в ^г ^д ^е ^ё Барсток Мария Никитична // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 42. — 737 с.

[1]

[2]

Нарматыўны кантроль
Міжнародныя	МІСН VIAF WorldCat
Нацыянальныя	Нямеччына ЗША Чэхія Польшча