Марк Цукербэрг
Марк Цукербэрг | |
 Марк Цукербэрґ | |
| Дата нараджэньня | 14 траўня 1984[1][2][3] (40 гадоў) |
|---|---|
| Месца нараджэньня | |
| Месца вучобы | |
| Занятак | праграмоўца, прадпрымальнік, спэцыяліст у галіне інфарматыкі, мэцэнат, генэральны выканаўчы дырэктар, філянтроп |
| Навуковая сфэра | кампутарнае праграмаваньне[4], Інтэрнэт[4] і Facebook[4] |
| Месца працы | |
| Сябра ў | Цынхуаскі ўнівэрсытэт[d] |
| Бацька | Эдўард Закербэрг[d] |
| Маці | Карэн Кемпнэр[d] |
| Дзеці | Максіма Чан-Закербэрг[d], Аўгуста Чан-Закербэрг[d] і Aurelia Chan Zuckerberg[d] |
| Узнагароды | |
| Подпіс | 
|
Марк Э́ліёт Цукербэ́рґ (па-ангельску: Mark Elliot Zuckerberg, нар. 14 траўня 1984, Ўайт-Плэйнс, штат Нью-Ёрк, ЗША) — распрацоўнік і заснавальнік сацыяльнае сеткі Facebook. Месьціцца ў Крамянёвай даліне (горад Пала-Альта). Закербэрг навучаўся ў Гарвардзкім унівэрсытэце, дзе і запусьціў Facebook у лютым 2004 году поруч з сваімі суседзямі па пакоі Эдуарду Савэрынам, Эндру Макалумам, Дастынам Маскавіцам і Крысам Г’юзам. Першапачаткова бачына была распрацаваная дзеля выбару ўнівэрсытэцкіх кампусаў, але хутка сетка пашырылася і ў рэшце рэшт, атрымала распаўсюд па-за межамі каледжаў, дасягнуўшы мільярду карыстальнікаў у 2012 годзе. У тым жа 2012 годзе кампанія стала публічнай, то бок у абарачэньне былі выпушчаныя акцыі. Яшчэ ў 2007 годзе ў веку 23 гадоў Закербэрг стаў наймаладзейшым у сьвеце самаробным даляравым мільярдэрам у сьвеце.
Біяграфія
[рэдагаваць | рэдагаваць крыніцу]Марк нарадзіўся 14 траўня 1984 году ў горадзе Ўайт-Плейнс (штат Нью-Ёрк), што за некалькі кілямэтраў на поўнач ад горада Нью-Ёрка. Бацька — стаматоляг Эдвард Цукербэрґ. Маці — псіхіятар Карэн Цукербэрґ. Яго прабабулі й прадзядулі былі з Расейскай імпэрыі, Нямеччыны, Аўстрыі й Польшчы. Быў другім дзіцём і адзіным хлопчыкам з 4 дзяцей у сям'і; яго сёстры — Рэндзі (старэйшая), Донна й Арыэль.
Будучы дэйцеранопам, Цукербэрґ адрозьнівае чырвоны й зялёны куды горш, чым сіні — асноўны колер Facebook[6]. У школьныя гады Марк займаўся кампутарным праграмаваньнем і распрацаваў сеткавую вэрсыю гульні «Рызыка»[7].
Вышэйшую адукацыю Марк Цукербэрґ не завяршыў: у 2002 годзе ён паступіў у Гарвардзкі ўнівэрсытэт, дзе да 2004 году навучаўся на факультэце псыхалёгіі. Паралельна з гэтым Марк наведваў курсы ІТ. Сваю сфэру інтарэсаў паказваў як «C, C++, Java, Visual Basic, VBscript, JavaScript, PHP й ASP»[8]. Цукербэрґ неаднаразова характарызаваў сябе як гакера па пакліканьні[9]. Яшчэ ў каледжы на Марка зьвярнулі ўвагу супрацоўнікі Microsoft, пасьля таго як ён напісаў праграму Synapse, якая дазваляла кампутару самастойна складаць пасьлядоўнасьць музычных хітоў для свайго ўладальніка.
Даходы
[рэдагаваць | рэдагаваць крыніцу]На пачатак 2010 году яго стан ацэньваўся ў 6,9 млрд даляраў, і за гэты год яно павялічылася на 245% — у рэйтынгу 400 найбагацейшых людзей ЗША, апублікаваным часопісам Forbes у 2011 годзе, Цукербэрґ заняў 14-е месца са станам у 17, 5 млрд даляраў ЗША[10].
У сьпісе найбагацейшых амэрыканцаў, апублікаваным Forbes у верасьні 2010 году, Цукербэрґ заняў 29-е месца са станам у 7 млрд даляраў[21]. Афіцыйны заробак Марка Цукербэрґа складае ўсяго 1 доляр[11].
Крыніцы
[рэдагаваць | рэдагаваць крыніцу]- ^ IMDb (анг.) — 1990.
- ^ Mark Zuckerberg // GeneaStar
- ^ Mark Zuckerberg // Munzinger Personen (ням.)
- ^ а б в Нацыянальная служба Чэскай рэспублікі
- ^ https://g.co/kgs/tGoKAD
- ^ Why Facebook is blue — six facts about Mark Zuckerberg — CNN.com Архіўная копія ад 2010-12-14 г.
- ^ Марк Цукерберг – гений, бросивший учебу. brodude.ru (2014-06-27).
- ^ Nicholas Carlson (2010-07-21) FOUND: Mark Zuckerberg's Hacker-For-Hire Profile From 2002 Business Insider. businessinsider.com. Праверана 2015-04-05 г. Архіўная копія ад 2015-04-11 г.
- ^ Steven Levy Geek Power: Steven Levy Revisits Tech Titans, Hackers, Idealists (анг.). — 2010. — В. 5. — Т. 18. — ISSN 1059-1028.
- ^ Forbes: состояние Марка Цукерберга стремительно возрастает Архіўная копія ад 2011-09-25 г.
- ^ Екатерина Мереминская (2014-04-01) Цукерберг заработал доллар. Зарплата создателя Facebook Марка Цукерберга составила $1 за 2013 год. gazeta.ru. Праверана 2018-12-13 г. Архіўная копія ад 2020-10-26 г.
Вонкавыя спасылкі
[рэдагаваць | рэдагаваць крыніцу] |
Гэта — накід артыкула пра біяграфію асобы. Вы можаце дапамагчы Вікіпэдыі, пашырыўшы яго. |