Перайсьці да зьместу

Марк Цукербэрг

Правіць спасылкі
Зьвесткі зь Вікіпэдыі — вольнай энцыкляпэдыі
Марк Цукербэрг
Марк Цукербэрґ
Дата нараджэньня 14 траўня 1984(1984-05-14)[1][2][3] (41 год)
Месца нараджэньня
Месца вучобы
Занятак праграмоўца, прадпрымальнік, спэцыяліст у галіне інфарматыкі, мэцэнат, генэральны выканаўчы дырэктар, філянтроп
Навуковая сфэра кампутарнае праграмаваньне[4], Інтэрнэт[4] і Facebook[4]
Месца працы
Сябра ў Цынхуаскі ўнівэрсытэт[d]
Бацька Эдўард Закербэрг[d]
Маці Карэн Кемпнэр[d]
Дзеці Максіма Чан-Закербэрг[d], Аўгуста Чан-Закербэрг[d] і Аўрэлія Чэнь Цукербэрг[d]
Узнагароды
Подпіс Выява аўтографу

Марк Э́ліят Цукербэ́рґ (па-ангельску: Mark Elliot Zuckerberg, нар. 14 траўня 1984 году, Ўайт-Плэйнз, штат Нью-Ёрк, ЗША) — распрацоўнік і заснавальнік сацыяльнае сеткі Facebook. Месьціцца ў Крамянёвай даліне (горад Пала-Альта). Цукербэрґ навучаўся ў Гарвардзкім унівэрсытэце, дзе й запусьціў Facebook у лютым 2004 году поруч з сваімі суседзямі па пакоі Эдуарду Савэрынам, Эндру Макалумам, Дастынам Маскавіцам і Крысам Г’юзам. Першапачаткова бачына была распрацаваная дзеля выбару ўнівэрсытэцкіх кампусаў, але хутка сетка пашырылася й у рэшце рэшт, атрымала распаўсюд па-за межамі каледжаў, дасягнуўшы мільярду карыстальнікаў у 2012 годзе. У тым жа 2012 годзе кампанія стала публічнай, то бок у абарачэньне былі выпушчаныя акцыі. Яшчэ ў 2007 годзе ў веку 23 гадоў Цукербэрґ стаў наймаладзейшым у сьвеце самаробным даляравым мільярдэрам у сьвеце.

Будучы дэйцеранопам, Цукербэрґ адрозьнівае чырвоны й зялёны куды горш, чым сіні — асноўны колер Facebook[5]. У школьныя гады Марк займаўся кампутарным праграмаваньнем і распрацаваў сеткавую вэрсію гульні «Рызыка»[6].

Біяграфія

[рэдагаваць | рэдагаваць код]

Марк нарадзіўся 14 траўня 1984 году ў горадзе Ўайт-Плейнз штату Нью-Ёрк, што за некалькі кілямэтраў на поўнач ад гораду Нью-Ёрку. Бацька — стаматоляг Эдўард Цукербэрґ. Маці — псыхіятарка Карэн Цукербэрґ. Ягоныя прабабулі й прадзядулі паходзілі з Расейскай імпэрыі, Нямеччыны, Аўстрыі й Польшчы. Ён быў другім дзіцём і адзіным хлопчыкам з 4 дзяцей у сям'і; ягоныя сёстры — Рэндзі (старэйшая), Донна й Арыэль.

Вышэйшую адукацыю Марк Цукербэрґ не завяршыў. Яшчэ ў 2002 годзе ён паступіў у Гарвардзкі ўнівэрсытэт, дзе да 2004 году навучаўся на факультэце псыхалёгіі. Адначасна з гэтым Марк наведваў курсы ІТ. У сваёй сфэры інтарэсаў меў мовы праграмаваньня й тэхналёгіі «C, C++, Java, Visual Basic, VBscript, JavaScript, PHP й ASP»[7]. Цукербэрґ неаднаразова характарызаваў сябе як гакера па пакліканьні[8]. Яшчэ ў каледжы на Марка зьвярнулі ўвагу супрацоўнікі Microsoft, пасьля таго як ён напісаў праграму Synapse, якая дазваляла кампутару самастойна складаць пасьлядоўнасьць музычных гітоў для свайго ўладальніка.

Цукербэрґ у 2005 годзе.

У студзені 2004 году Цукербэрґ пачаў пісаць код для новага сайту[9]. 4 лютага 2004 году ён запусьціў Thefacebook, які першапачаткова разьмяшчаўся на дамэне thefacebook.com, у партнэрстве з сваімі суседзямі па пакоі Эдуарду Савэрынам, Эндру Макалумам, Дастынам Маскавіцам і Крысам Г’юзам[10][11]. Натхненьне для стварэньня Facebook, магчыма, прыйшло з акадэміі Філіп-Эксэтэр, то бок падрыхтоўчай школы, якую Цукербэрґ скончыў у 2002 годзе. Яна публікавала свой уласны студэнцкі даведнік The Photo Address Book, які студэнты называлі The Facebook. Такія фотадаведнікі былі важнай часткай сацыяльнага досьведу студэнтаў у многіх прыватных школах. Зь іх дапамогай студэнты маглі пералічваць такія атрыбуты, як то гады навучаньня, сяброў і свае нумары тэлефонаў[11].

Цукербэрґ кінуў Гарвард на другім курсе, каб завяршыць праект[12]. Ён, Маскавіц і іншыя сузаснавальнікі пераехалі ў Пала-Альта штату Каліфорнія, дзе арандавалі невялікі дом, які служыў ім офісам. Улетку Цукербэрґ пазнаёміўся зь Пітэрам Тылем, які інвэставаў у ягоную кампанію. Першы сапраўдны офіс яны адкрылі ў сярэдзіне 2004 году. Паводле словаў Цукербэрга, група плянавала вярнуцца ў Гарвард, але ў выніку пастанавіла сабе застацца ў Каліфорніі, дзе Цукербэрґ зазначыў патэнцыял Крамянёвай даліны, то бок цэнтру кампутарных тэхналёгіяў у Каліфорніі[13][14]. Сябры адхілілі прапановы буйных карпарацыяў набыць кампанію. У інтэрвію 2007 году Цукербэрґ патлумачыў гэта тым, што яны не ўважалі на колькасьць прапанаваных грошай, а важным для іх было стварыць інфармацыйную плынь для людзей.

Цукербэрґ на Сусьветным эканамічным форуме ў Давосе ў 2009 годзе.

Цукербэрґ паўтарыў свае мэты часопісу Wired у 2010 годзе, заявіўшы што рупіцца місіяй, каб зрабіць сьвет адкрытым[15]. Раней, у красавіку 2009 году, ён зьвярнуўся па кансультацыю да былога фінансавага дырэктара Netscape Пітэра Кары наконт стратэгіі фінансаваньня Facebook[16]. 21 ліпеня 2010 году Цукербэрґ паведаміў, што Facebook дасягнуў адзнакі ў 500 мільёнаў карыстальнікаў[17].

У інтэрвію PBS у 2011 годзе неўзабаве па сьмерці Стыва Джобса Цукербэрґ сказаў, што Джобс параіў яму, як стварыць кіраўнічую каманду ў Facebook, якая была б засяроджаная на стварэньні такіх жа якасных і добрых рэчаў, як гэта рабілася ў Apple Inc.[18]. 19 жніўня 2013 году The Washington Post паведаміла, што профіль Цукербэрґа ў Facebook быў узламаны беспрацоўным вэб-распрацоўнікам[19].

На канфэрэнцыі TechCrunch Disrupt 2013 году, якая адбылася ў верасьні, Цукербэрґ заявіў, што ён працуе над тым, каб у ягонай сацыяльнай сеткі налічвалася 5 мільярдаў людзей. Ён растлумачыў, што гэта павязана з мэтай праекту Internet.org, у рамках якога Facebook пры падтрымцы іншых тэхналягічных кампаній імкнецца павялічыць колькасьць людзей, падлучаных да Інтэрнэту[20][21]. На кангрэсе ў Барсэлёне ў 2014 годзе розныя СМІ падкрэсьлівалі сувязь паміж акцэнтам Facebook на мабільныя тэхналёгіі й прамовай Цукербэрґа, які заявіў, што мабільныя сродкі ўяўляюць сабою будучыню кампаніі[22]. Разам зь іншымі дзеячамі амэрыканскіх тэхналягічных кампаніяў, як то Джэфам Бэзасам і Тымам Кукам, 8 сьнежня 2014 году Цукербэрґ вёў перамовы з прадстаўнікамі Кітаю.

Прыбыткі

[рэдагаваць | рэдагаваць код]

На пачатак 2010 году ягонае багацьце ацэньвалася ў 6,9 млрд даляраў. У сьпісе найбагацейшых амэрыканцаў, апублікаваным Forbes у верасьні 2010 году, Цукербэрґ заняў 29-е месца з багацьцем у 7 млрд даляраў. Усяго за год яно павялічылася на 245% — у рэйтынгу 400 найбагацейшых людзей ЗША, апублікаваным часопісам Forbes у 2011 годзе, Цукербэрґ заняў 14-е месца з багацьцем у 17,5 млрд даляраў ЗША[23].

Афіцыйны заробак Цукербэрґа складае ўсяго 1 даляр[24].

Крыніцы

[рэдагаваць | рэдагаваць код]
  1. ↑ IMDb (анг.) — 1990.
  2. ↑ Mark Zuckerberg // GeneaStar
  3. ↑ Mark Zuckerberg // Munzinger Personen (ням.)
  4. 1 2 3 Нацыянальная служба Чэскай рэспублікі
  5. ↑ Why Facebook is blue — six facts about Mark Zuckerberg — CNN.com Архіўная копія ад 2010-12-14 г.
  6. ↑ Марк Цукерберг – гений, бросивший учебу. brodude.ru (2014-06-27).
  7. ↑ Carlson, Nicholas (2010-07-21) FOUND: Mark Zuckerberg's Hacker-For-Hire Profile From 2002 Business Insider. businessinsider.com. Праверана 2015-04-05 г. Архіўная копія ад 2015-04-11 г.
  8. ↑ Levy, Steven Geek Power: Steven Levy Revisits Tech Titans, Hackers, Idealists  (анг.). — 2010. — В. 5. — Т. 18. — ISSN 1059-1028.
  9. ↑ Hoffman, Claire (28.06.2008). «The Battle for Facebook». Rolling Stone.
  10. ↑ Seward, Zachary M. (25.07.2007). «Judge Expresses Skepticism About Facebook Lawsuit». The Wall Street Journal.
  11. 1 2 Antonas, Steffan (10.05.2009). «Did Mark Zuckerberg’s Inspiration for Facebook Come Before Harvard?». ReadWrite Social.
  12. ↑ Klepper, David (9.11.2011). «Mark Zuckerberg, Harvard dropout, returns to open arms». Christian Science Monitor.
  13. ↑ Teller, Sam (1.11.2005). «Zuckerberg To Leave Harvard Indefinitely». The Harvard Crimson.
  14. ↑ Kevin J. Feeney (24.02.2005). «Business, Casual». The Harvard Crimson.
  15. ↑ Singel, Ryan (28.05.2010). «Epicenter: Mark Zuckerberg: I Donated to Open Source, Facebook Competitor». Wired.
  16. ↑ MacMillan, Robert (1.04.2009). «Yu, Zuckerberg and the Facebook fallout». Reuters.
  17. ↑ Zuckerberg, Mark (22.07.2010). «500 Million Stories». The Facebook Blog.
  18. ↑ «Facebook’s Zuckerberg says Steve Jobs advised on company focus, management». Bloomberg News.
  19. ↑ Caitlin Dewey (19.08.2013). «Mark Zuckerberg’s Facebook page was hacked by an unemployed web developer». The Washington Post.
  20. ↑ Edwards, Victoria (21.09.2013). «6 Things We Learned From Marissa Mayer and Mark Zuckerberg at TechCrunch Disrupt 2013». TechCrunch.
  21. ↑ Stevenson, Alastair (22.08.2013). «Mark Zuckerberg Creates Tech Justice League to Bring Internet to the Masses». Search Engine Watch.
  22. ↑ Meyer, David (16.01.2014). «Facebook’s Zuckerberg to headline Mobile World Congress this year». Gigaom.
  23. ↑ Forbes: состояние Марка Цукерберга стремительно возрастает Архіўная копія ад 2011-09-25 г.
  24. ↑ Екатерина Мереминская (2014-04-01) Цукерберг заработал доллар. Зарплата создателя Facebook Марка Цукерберга составила $1 за 2013 год. gazeta.ru. Праверана 2018-12-13 г. Архіўная копія ад 2020-10-26 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Марк_Цукербэрг&oldid=2604844»