Марк Нобл

Марк Нобл
Пэрсанальная інфармацыя
Нарадзіўся	8 траўня 1987(1987-05-08) (33 гады) Кэнінг Таўн, Ньюгэм, Вялікі Лёндан, Ангельшчына, Вялікабрытанія
Рост	180 см
Вага	76 кг
Пазыцыя	паўабаронца
Клюбная інфармацыя
Клюб	Ўэст Гэм Юнайтэд
Нумар	16
Клюбы
Гады	Клюб	Гульні (галы)¹
2004— 2006 2006	Ўэст Гэм Юнайтэд → Гал Сіці (арэнда) → Іпсўіч Таўн (арэнда)	440 (54) 5 (0) 13 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 7 сакавіка 2020.

Марк Джэймз Нобл (па-ангельску: Mark James Noble; нарадзіўся 8 траўня 1987 году, Лёндан, Ангельшчына) — ангельскі футбаліст, цэнтральны паўабаронца клюбу «Ўэст Гэм Юнайтэд», за які выступае з 2004 году. Мае на сваім рахунку выступы за юнацкія й моладзевыя зборныя Ангельшчыны.

Кар’ера

У дарослым футболе дэбютаваў у 2004 годзе выступамі за «Ўэст Гэм Юнайтэд», у якім правёў два сэзоны, першы чым быў аддадзены ў арэнду спачатку ў «Гал Сіці», а потым у «Іпсўіч Таўн». Абодва клюбы гулялі ў Чэмпіёншыпе, другім дывізіёне ангельскага футболу.

У склад клюбу «Ўэст Гэм Юнайтэд» вярнуўся на пачатку 2007 году й з новага сэзону стаў асноўным паўабаронцам каманды. 4 сакавіка 2007 году забіў свой першы гол у Прэм’ер-Лізе, адзначыўшыся ў матчы супраць «Тотэнгэм Готспуру», аднак клюб Марка ўсё ж трываў паразу зь лікам 3:4. За зьменамі на трэнэрскай пасадзе клюбу Марк стала працягваў трапляць у асноўны склад клюбу й 21 сакавіка 2009 году ў гасьцявым матчы супраць «Блэкбэрн Ровэрз» правёў сваю 100 гульню за «малатабойцаў».

На сёньня зьяўляецца адзіным гульцом, які гуляе ва «Ўэст Гэм Юнайтэд» з 2004 году. У 2012 і 2014 гадох прызнаваўся найлепшым гульцом сэзону паводле вэрсіі заўзятараў клюбу.

Вонкавыя спасылкі

Марк Нобл — сховішча мультымэдыйных матэрыялаў

• Профіль на афіцыйным сайце «Ўэст Гэм Юнайтэд»
• Статыстыка на Soccerbase