Малдоўскі лей

Зьвесткі зь Вікіпэдыі — вольнай энцыкляпэдыі
(Перанакіравана з «Малдаўскі лей»)
Перайсьці да навігацыі Перайсьці да пошуку
Малдаўскі лей. Авэрс і рэверс

Малдо́ўскі лей (па-румынску: leu) — грашовая адзінка Малдовы. На дадзены момант маюцца папяровыя купюры наміналам 1, 5, 10, 20, 50, 100, 200, 500, 1000 леяў, а таксама манэты вартасьцю 1 (ужо не выкарыстоўваецца), 5, 10, 25, 50 баняў (bani). Лей зьмяніў малдоўскі купон 29 лістапада 1993 г. Абмен вырабляўся па курсе «1 лей = 1000 купонаў».

Этымалёгія[рэдагаваць | рэдагаваць крыніцу]

Асноўную ролю на ўнутраным і зьнешнім рынку Малдаўскага княства гралі замежныя срэбраныя і залатыя манэты: дукаты, флёрыны, злотыя і іншыя. У XVII стагодзьдзі на Балканах і ў Малдову пракралася нідэрляндзкая манэта «leeuwendaalder», на якой быў намаляваны леў. Жыхары Малдовы называлі гэтыя манэты леямі. У 1867 годзе гэтую назву атрымала валюта Румыніі, а пасьля развалу СССР і грашовая адзінка Малдовы. У балгарскага лева дакладна такая ж гісторыя.