Магістраль 60

	Магістраль 60
	Interstate 60
Жанр	камэдыйная драма[d] і кінакамэдыя
Рэжысэр	Боб Гэйл
Сцэнарыст	Боб Гэйл
Прадусар	Пітэр Брэй; Нэйл Кэнтон
У ролях	Джэймз Марсдэн; Гэры Олдмэн
Кампазытар	Крыстаф Бэк
Вытворчасьць	Fireworks Entertainment; Redeemable Features
Распаўсюд	Samuel Goldwyn Films[d] і Netflix
Дата выхаду	2002
Працягласьць	116 хв.
Краіна	Канада; ЗША
Мова	ангельская
Бюджэт	$7 000 000
	Старонка на IMDb
	Афіцыйны сайт

«Магістраль 60» (па-ангельску: Interstate 60) — фільм-казка з элемэнтамі камэдыі. У расейскім перакладзе — «Траса 60» (Т-60), «Аўтастрада 60».

Сюжэт

У паданьнях і казках ёсьць героі, што выконваюць пажаданьні. У арабаў — гэта джыны, у ірляндцаў — лепрыконы, у кітайцаў — цмокі, у эўрапейцаў — феі й лясныя духі. У Амэрыцы ёсьць нейкі А. Ж. Грант (па-ангельску: One Wish Grant — Выконваючы Адно Жаданьне) — дзіўны й цікавы чалавек, які можа таксама выконваць пажаданьні. Але ён вельмі шкадлівы і жартаўлівы. Напрыклад, чалавек, які хацеў мець сэкс кожны дзень з рознымі прыгажунямі без наступстваў, стаў атрымліваць штодня порначасопісы і пакунак сурвэтак; стары, што марыў зьесьці палову мэню рэстарацыі — чорную дзюрку ў страўніку, а пара, што хацела пражыць жыцьцё бяз сварак і скрухі — загінула ў дзень вясельля.

І вось А. Ж. Гранта сустракае на сваім дні народзінаў Нэйл Олівэр.

Нэйл, здаецца, мусіць быць задаволены сваім жыцьцём: заможныя бацькі, прыгожая нявеста, наперадзе бліскучая кар’ера юрыста. Але ён насуперак бацьку-адвакату хоча быць мастаком. А ў апошні час яму сьніцца загадкавая дзяўчына (Эмі Смарт), якая не дае яму пакою.

У рэстарацыі Грант прыносіць Нэйлу торт і прапануе задуць сьвечкі, загадаўшы жаданьне. Нэйл хоча атрымаць адказы на сваё жыцьцё.

Дзіўнаваты Грант прапануе Нэйлу зьдзейсьніць падарожжа па таямнічай магістралі 60, якой нямашака на мапах ЗША. Нэйл кідае ўсё і накіроўваецца ў незвычайнае і рызыкоўнае падарожжа, спадзеючыся знайсьці незнаёмку са сваіх сноў ды й знайсьці адказы на пытаньні свайго жыцьця…

Артысты

Джэймз Марсдэн у ролі Ніла Олівэра
Гэры Олдмэн у ролі О. Ж. Гранта
Крыстафэр Лойд у ролі Рэя
Майкл Джэй Фокс у ролі містэра Бэйкера
Курт Расэл у ролі капітана Айвза
Эмі Смарт у ролі Лін Ліндэн
Крыс Купэр у ролі Боба Кодзі
Эмі Джо Джонсан у ролі Лаўры

Узнагароды

2003 — прэмія «DVDX Award» у катэгорыі «найлепшая прам’ера на DVD» (Пітэр Брэй, Нэйл Кэнтон, Боб Гэйл)
2003 — прэмія «DVDX Award» у катэгорыі «найлепшы сцэнар фільму, выдадзенага на DVD» (Боб Гэйл)
2003 — намінацыя на прэмію «DVDX Award» у катэгорыі «найлепшы рэжысэр фільму, выдадзенага на DVD» (Боб Гэйл)
2003 — намінацыя на прэмію «DVDX Award» у катэгорыі «найлепшы актор другога пляну фільму, выдадзенага на DVD» (Гэры Олдмэн)
2003 — намінацыя на прэмію «DVDX Award» у катэгорыі «найлепшы актор другога пляну фільму, выдадзенага на DVD» (Крыс Купэр)
2003 — намінацыя на прэмію «DVDX Award» у катэгорыі «найлепшая акторка другога пляну фільму, выдадзенага на DVD» (Эмі Смарт)
2004 — намінацыя на прэмію «Сатурн» (Saturn Award) у катэгорыі «найлепшы рэліз на DVD»

Слоганы

«No rules, no boundaries».
«Get off on…Interstate 60».
«All your answers will be questioned».
«It began as a wish, became an adventure, and ended as the ultimate road trip».

Дадатковыя зьвесткі

Калі Ніл упершыню бачыць свой падарунак — новы чырвоны BMW — музыка, што гучыць у гэты час, вельмі падобная да той, што гучала ў «Назад у будучыню», калі Марці адчыняе дзьверы гаража і бачыць тамака новы аўтамабіль.
Гадзіньнік за героем Крыстафэра Лойда паказвае час 10:04 — у фільме «Назад у будучыню» ў такі самы час гадзіньнік спыніўся на ратушы ад удару маланкі.
На пачатку фільма магчыма заўважыць, што ў Ніла ў пакоі шмат выяваў героеў коміксаў «Людзі Х» выдавецтва Marvel. Джэймз Марсдэн здымаўся ў ролі Цыклопа гэтай трылёгіі.
Вобраз А. Ж. Гранта створаны на міталёгіі сьвету. Грант паказаны як лепрыкон-ірляндзец, таму ён — руды. Люлька ў выглядзе галавы малпы — з Усходняй міталёгіі, а сама лялька — ад джынаў.
Калі Ніл і А. Ж. Грант пад’яжджаюць да магістралі 60, герой Гэры Олдмана кажа: «There’s a signpost up ahead». Гэта вядомы выраз з сэрыялу 1959 году «The Twilight Zone».
Картачныя штукі за Крыстафэра Лойда выконваў прафэсійны фокусьнік-дублёр.
Гэта першае супольнае зьяўленьне Майкла Джэй Фокса і Крыстафэра Лойда ў кіно пасьля здымак трылёгіі «Назад ў будучыню» (хоць у 1996 годзе яны разам зьняліся ў эпізодзе сэрыялу «Spin City»).
Нумар будынку, дзе Нілу была прызначана сустрэча з Рэем — 555. Гэта лічба часта выкарыстоўваецца ў фільмах для неіснуючых аб’ектаў.
У будынку суда гораду Марлоў (па-ангельску: Morlaw) вісіць герб, на якім напісаны перакручаны амэрыканскі дэвіз: «In law we trust» («Мы верым ў закон») замест «In God We Trust».
А. Ж. Грант — зашыфраванае імя «Адно прадстаўленае пажаданьне» (анг. One Wish Grant).
Фільм зьняты амаль за месяц — з 18 верасьня да кастрычніка 2000 году.
Фільм здымаўся ў Фініксе (штат Арызона, ЗША) і ў Таронта (правінцыя Антарыё, Канада).
Фільм — рэжысэрскі дэбют ужо добра вядомага да таго сцэнарыста Боба Гэйла (анг. Bob Gale).

Музыка

«Broken Heart For Sale» у выкананьні Heather Myles
«Blind Spot» у выкананьні Transmatic
«Not Too Close Encounters» у выкананьні Seattle Music
«Diesel Only Theme» у выкананьні The World Famous Blue Jays
«Relax (Club 69 Doomsday Mix)» у выкананьні Frankie Goes To Hollywood
«Everything In The World» у выкананьні Starling
«I Get A Kick Out Of You» ды «On The Sunny Side Of The Street» у выкананьні Фрэнка Сынатры
«Daily Life». Капазытар — Lee Chu Kiong
«Crescent Moon». Капазытар — Chen Dacan & Xu Pingxin
«Eine Kleine Nachtmusik». Капазытар — Вольфганг Амадэй Моцарт.

Вонкавыя спасылкі

Афіцыйны сайт фільму (анг.) Архіўная копія
Трасса 60 (рас.)
Крытыка Алекса Экслера

Злучыць^?