Магілёўскі замак

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Замак
Магілёўскі замак
Магілёўскі замак. Гравюра В. Вашчанкі XVIII стагодзьдзя
Магілёўскі замак. Гравюра В. Вашчанкі XVIII стагодзьдзя
Краіна Беларусь
Месцазнаходжаньне Магілёў
Дата заснаваньня 1526- ???? гады
Стан Не захаваўся
Commons-logo.svg Магілёўскі замак на Вікісховішчы

Магілёўскі замак існаваў у XVI-XIX стагодзьдзях. Пабудаваны ў 1526 г. на месцы старажытнага грунтавога могільніка эпохі Кіеўскай Русі на высокім узгорку са стромкімі схіламі пры ўпадзеньні ракі Дубравенкі ў Дняпро. Плошча больш за 1 га. Умацаваны па пэрымэтры пясчана-гліняным абарончым валам (вышынёю 5 м, шырынёю ў аснове каля 16 м), на якім (паводле інвэнтару 1604 г.) стаялі 7 вежаў (зь іх 2 вежы-брамы з пад'ёмнымі мастамі), злучаных сьценамі-гароднямі, накрытымі гонтавымі стрэшкамі. Вежы (тры 5-ярусныя, чатыры 4-ярусныя; ніжнія ярусы 4-гранныя, верхнія – 8-гранныя) былі накрытыя 4-схільнымі дахамі з драніц. На адной зь вежаў быў бронзавы звон. З замка вялі патаемныя хады да Дняпра і Дубравенкі. У 1633 г. замак згарэў. У 1638 г. адноўлены, меў выгляд астрога з 2 брамамі. Пазьней зьнішчаны і часткова адноўлены. У XVIII ст. меў выгляд земляных бастыёнаў і курцін, якія ў XIX ст. скапаны амаль цалкам.

Літаратура[рэдагаваць | рэдагаваць крыніцу]

  • Беларуская энцыклапедыя: У 18 т. Т.9: Кулібін — Малаіта / Рэдкал.: Г. П. Пашкоў і інш. — Мн.: БелЭн, 1999. — Т. 9. — С. 466-467. — 560 с. — 10 000 ас. — ISBN 985-11-0155-9
  • Замки Беларуси / М.А.Ткачёв. — Мн.: Беларусь, 2007. — С. 63-77. — 200 с. — 2 000 ас. — ISBN 978-985-01-0706-0