Лёнданская школа эканомікі
| Лёнданская школа эканомікі | |
| The London School of Economics and Political Science | |
 | |
Лягатып | |
| Дэвіз | па-лацінску: Rerum cognoscere causas |
|---|---|
| Дэвіз па-беларуску | «Зразумець прычыны рэчаў» |
| Заснаваны | 1895 |
| Тып | грамадзкі |
| Рэктар | прынцэса Анна (ганаровы рэктар) |
| Дырэктар | прафэсар Крэйг Калхун (па-ангельску: Craig Calhoun)), з 1 верасьня 2012[1] |
| Факультэтаў | 23 |
| Колькасьць пэрсаналу | 1300[2] |
| Колькасьць студэнтаў | 9560[3] |
| Колькасьць магістрантаў | 4000[4] |
| Колькасьць асьпірантаў | 5560[5] |
| Месцазнаходжаньне | |
| Горад | Лёндан |
| Краіна | Вялікабрытанія |
| Кампус | гарадзкі |
| Талісман | бабёр |
| Знаходзіцца ў складзе | Асацыяцыя эўрапейскіх унівэрсытэтаў[d], група «Расэл»[d][6], ORCID[d][7][8], Digital Preservation Coalition[d][9], Open Society University Network[d][10] і University and College Union[d][11] |
| Вэб-сайт | lse.ac.uk |
Лёнданская школа эканомікі (поўная афіцыйная назва — Лёнданская школа эканомікі і палітычнай навукі, па-ангельску: London School of Economics and Political Science, LSE) — спэцыялізаваны грамадзкі дасьледніцкі ўнівэрсытэт, адна зь вядучых навучальных і навуковых установаў Вялікабрытаніі ў галіне эканомікі і грамадскіх навук. Знаходзіцца ў Лёндане. Фармальна ўваходзіць у склад Лёнданскага ўнівэрсытэту (з 1900 году), але на практыцы лічыцца асобным унівэрсытэтам.
Нягледзячы на сваю назву, школа вядзе навучаньне і дасьледваньні ня толькі ў галіне эканомікі і палітычнай навукі, але па ўсіх грамадзкіх дысцыплінах, у тым ліку такіх як антрапалёгія, бухгалтарскі ўлік і фінансы, геаграфія, гісторыя, міжнародныя дачыненьні, мэдыі і камунікацыі, права, псыхалёгія, сацыяльная палітыка, сацыялёгія і філязофія.
Гісторыя
[рэдагаваць | рэдагаваць крыніцу]Заснаваная ў 1895 годзе сябрамі Фабіянскага таварыства Бэатрыс і Сыднэям Вэбамі і Джорджам Бэрнардам Шоў.
Дасягненьні
[рэдагаваць | рэдагаваць крыніцу]У незалежным аглядзе «The Complete University Guide 2015» школа названая лепшым унівэрсітэтам у Лёндане і трэцяй найлепшай вышэйшай навучальнай установай Вялікабрытаніі (пасьля Кембрыдзкага і Оксфардзкага ўнівэрсытэтаў).[12] У аглядзе «Times Higher Education» за 2012/2013 гады школа заняла 39-е месца сярод 400 найлепшых унівэрсытэтаў сьвету і была прызнана шостым найлепшым унівэрсытэтам Вялікабрытаніі.[13] У тым жа аглядзе па ўзроўні сваёй рэпутацыі школа заняла 25-е месца сярод найлепшых унівэрсытэтаў сьвету і 5-е месца сярод вышэйшых навучальных установаў Вялікабрытаніі.[14] Агляд газэты «Гардыян»[15] і агляд «Times Good Universities Guide»[16] прызналі школу найлепшым унівэрсытэтам у Лёндане. Апошні агляд да таго ж назваў школу трэцім найлепшым унівэрсытэтам Вялікабрытаніі (пасьля Оксфардзкага і Кембрыдзкага ўнівэрсытэтаў). У 2008 годзе школа мела найвялікшы сярод усіх брытанскіх ўнівэрсытэтаў адсотак дасьледваньняў сусьветнага ўзроўню[17].
Бібліятэка
[рэдагаваць | рэдагаваць крыніцу]Бібліятэка школы, Брытанская бібліятэка палітычнай і эканамічнай навукі, заснаваная ў 1896 годзе. Налічвае 1,3 мільёны адзінкаў захаваньня[18] і зьяўляецца найбуйнейшай у сьвеце бібліятэкай па грамадзкіх і палітычных навуках.
Выпускнікі
[рэдагаваць | рэдагаваць крыніцу]Сярод славутых выкладчыкаў і выпускнікоў школы [19] 13 ляўрэатаў Нобэлеўскай прэміі ў галіне эканомікі, два ляўрэаты Нобэлеўскай прэміі ў галіне літаратуры (Джордж Бэрнард Шоў і Бэртран Расэл) і два ляўрэаты Нобэлеўскай прэміі міру.
У школе ў розны час выкладалі і навучаліся былы прэзыдэнт ЗША Джон Кенэдзі, былы прэм’ер-міністар Канады П’ер Трудо, прэм’ер-міністар Грэцыі Георгіяс Папандрэу, былы прэм’ер-міністар Вялікабрытаніі Клемэнт Этлі, былы прэм’ер-міністар Італіі і старшыня Эўрапейскай камісіі Рамана Продзі, лідар групы «Ролінг Стоўнз» Мік Джагер, былы прэзыдэнт Індыі К. Р. Нараян, каралева Даніі Маргрэтэ ІІ, даваенны райхсканцлер Нямеччыны Генрых Брунінг, былы міністар фінансаў Турцыі і адміністратар Праграмы разьвіцьця ААН Кемаль Дэрвіш, фінансіст Джордж Сорас, шматлікія кіраўнікі дзяржаваў і ўрадаў краінаў сьвету.
Галерэя
[рэдагаваць | рэдагаваць крыніцу]-
Галоўны ўваход у школу -
Кампус школы (від зьверху) -
Брытанская бібліятэка палітычнай і эканамічнай навукі -
Лесьвіца ўнутры бібліятэкі
Крыніцы
[рэдагаваць | рэдагаваць крыніцу]- ^ Professor Craig Calhoun, Director of LSE. LSE (2013). Праверана 7 сакавіка 2013 г.
- ^ Даведнік Jobs.ac.uk, 26 красавіка 2010 года
- ^ Statistics — Students and qualifiers at UK HE institutions 2009/10 (анг.)
- ^ Statistics — Students and qualifiers at UK HE institutions 2009/10 (анг.)
- ^ Statistics — Students and qualifiers at UK HE institutions 2009/10 (анг.)
- ^ http://russellgroup.ac.uk/about/our-universities/
- ^ https://orcid.org/members/001G000001tY55xIAC-london-school-of-economics-political-science
- ^ https://web.archive.org/web/20231020113811/https://orcid.org/members
- ^ https://dpconline.org/about/members
- ^ https://web.archive.org/web/20240204131149/https://opensocietyuniversitynetwork.org/about/members/
- ^ London School of Economics // https://www.ucu.org.uk/article/13538/UCU-branches-in-JNCHES-2024-25
- ^ University League Table 2015. The Complete University Guide (2014). Праверана 5 чэрвеня 2014 г.
- ^ The Times Higher Education World University Rankings 2012-2013. The Times Higher Education (2013). Праверана 7 сакавіка 2013 г.
- ^ The Times Higher Education World Reputation Rankings 2013. The Times Higher Education (2013). Праверана 7 сакавіка 2013 г.
- ^ The Guardian University Guide 2012 (анг.)
- ^ The Times Good University Guide 2012 (анг.)
- ^ Ацэнка ўзроўню дасьледваньняў у брытанскіх унівэрсытэтах, 2008 год (анг.)
- ^ Статыстычны даведнік бібліятэкі 2009/10 (анг.)
- ^ Славутыя выпускнікі Лёнданскай школы эканомікі (анг.)
Вонкавыя спасылкі
[рэдагаваць | рэдагаваць крыніцу]
Лёнданская школа эканомікі — сховішча мультымэдыйных матэрыялаў
- Афіцыйная старонка школы (анг.)