Лякаматыў Плоўдзіў

	Лякаматыў Плоўдзіў
Поўная назва	Професионален футболен клуб Локомотив 1926 Пловдив
Заснаваны	25 ліпеня 1926
Горад	Плоўдзіў, Баўгарыя
Стадыён	Лякаматыў; Умяшчальнасьць: 13 000
Прэзыдэнт	Хрыста Бонеў[d]
Галоўны трэнэр	Душан Косіч[d];
Чэмпіянат	Першая прафэсійная ліга
· 2025—2026	5 месца
	Галерэя здымкаў у Вікісховішчы; Афіцыйны сайт

«Лякаматыў» (па-баўгарску: Локомотив) — баўгарскі футбольны клюб з гораду Плоўдзіва. Заснаваны ў 1926 годзе. Чэмпіён Баўгарыі (2004).

Гісторыя

На працягу ўсёй гісторыі клюбу ён перажыў шэраг складаных рэарганізацый. Збольшага яны былі зьвязаныя з палітычным станам у Баўгарыі ў камуністычны пэрыяд з 1944 па 1989 гады, што прывяло да зьмены існасьці спартовых клюбаў ва ўсёй краіне, каб адпавядаць гэтак званай савецкай мадэлі. Уласна для «Лякаматыву», гэтыя зьмены прывялі да зьліцьця дзьвюх асобных камандаў, якія адрозьніваліся паміж сабою паводле сваёй сутнасьці. Для таго, каб зразумець паходжаньне сучаснага клюбу, гісторыю «Лякаматыву» можна падзяліць на дзьве асноўныя часткі. Першая зь іх адносіцца да клюбу «Спортклюб», а іншая зьвязаная з чыгункай і рабочай камандай ЖСК.

Увесну 1922 году быў закладзены спартовы клюб «Караджа», калі некалькі аматарскіх футбольных камандаў у адным з раёнаў Плоўдзіва вырашылі стварыць уласную каманду, каб браць удзел у чэмпіянаце Плоўдзіва. Праз два гады, у 1924 годзе, у тым жа раёне быў створаны яшчэ адзін спартовы клюб з назовам «Атлетык». 25 ліпеня 1926 году «Караджа» і «Атлетык» аб’ядналіся і стварылі агульны клюб «Спортклюб»^[3]. Каманда абрала белы, чорны і чырвоны колеры ў якасьці асноўных для сваёй формы і гербу. На той час у Баўгарыі існавалі толькі рэгіянальныя чэмпіянаты, таму «Спортклю» браў удзел у розыгрышы чэмпіянату Плоўдзіва, спачатку ў другім дывізіёне да 1933 году, а потым і ў першым. У 1940 годзе дружына здабыла тытул чэмпіёнаў Плоўдзіва. Пасьля клюб далучыўся да навастворанага Нацыянальнага дывізіёну, які ўлучаў 10 найлепшых клюбаў краіны. Аднак, праз Другую сусьветную вайну турнір быў прыпынены, але каманда брала ўдзел у Царскім кубку, двойчы дасягаючы фіналаў у 1940 і 1942 гадах.

У той жа час у сярэдзіне 1930-х гадоў чыгуначны прафэсійны зьвяз рабочых і маракоў пачаў ствараць шматлікія культурныя і спартовыя арганізацыі ва ўсёй краіне. Работнікі чыгункі таксама стварылі спартовы клюб у Плоўдзіве, бо горад ёсьць адным з асноўных чыгуначных цэнтраў краіны. 13 чэрвеня 1935 году быў закладзены клуб ЖСК (баўг. Железничарски спортен клуб). Асблівых посьпехаў клюб ня меў, нашмат саступаючы гулоўным клюбам гораду «Спортклюбу» і «Боцеву». Аднак, да 1940 году паказьнікі клюбу палепшыліся і ў 1944 годзе каманда здабыла перамогу ў чэмпіянаце Плоўдзіва.

У 1944 годзе з усталяваньнем савецкае ўлады ў краіне пачалася рэарганізацыя футбольных клюбаў. У горадзе пачаўся працэс аб’яднаньняў клюбаў. Да «Спортклюбу» былі далучаныя некалькі армянскіх камандаў зь ніжэйшых дывізіёнаў, як то «Шант» і «Ерэван». Таксама зьліцьцё адбылося з каталіцкім клюбам «Парчавіч». Празь неславянскае паходжаньне назвы ўлады перайменаваны ў «Славію».

Склад

Актуальны на 22 лютага 2026 году

№	Пазыцыя	Імя	Год нараджэньня
1	Бр	Боян Міласаўлевіч	1998
2	Аб	Адрыян Кова	2001
3	ПА	Міха Трдан	2005
4	Аб	Андрэй Кіндрыш	1999
5	Аб	Тодар Паўлаў	2004
7	Нап	Севі Ідрыз	2007
9	Нап	Аксел Велеў	2007
10	Нап	Франсіска Палітына	1999
11	Нап	Запра Дынеў	1999
12	ПА	Эфэ Алі	2003
13	Аб	Лукас Рыян	2002
14	Нап	Дзімітар Іліеў (капітан)	1988
16	ПА	Аляксандар Аляксандраў	2007

№	Пазыцыя	Імя	Год нараджэньня
19	Нап	Марыян Вангелаў	2003
21	Аб	Энса Эсьпіноса	2001
22	ПА	Івайла Іваноў	2002
23	Аб	Марцін Рускаў	2001
29	Нап	Ёэль Звартс	1999
33	ПА	Марцін Атанасаў	2002
39	ПА	Парвізджон Умарбаеў (капітан)	1994
40	Бр	Пэтар Зоўка	2002
81	Бр	Даніел Амбарцумян	2006
94	ПА	Кэтэлін Іту	1999
99	Нап	Жульен Лямі	1999
—	Аб	Калаян Костаў	2004
—	Нап	Крыст Лянвіль	2006