Лягроньнё ля Рыёха (гандбольны клюб)
| Сьюдад дэ Лягроньнё | |||
| Поўная назва | Гандбольны клюб «Сьюдад дэ Лягроньнё» | ||
|---|---|---|---|
| Заснаваны | 2003 | ||
| Арэна | Спартовы палац Лягроньнё, Ля Рыёха Зьмяшчальнасьць: 3851 | ||
| Прэзыдэнт | Сэгунда Хасэ Вігера | ||
| Галоўны трэнэр | Мігель Анхэль Вэляска | ||
| Чэмпіянат | Ліга Асабаль | ||
| 2021—2022 | 6 месца | ||
| |||
| Спасылкі | |||
| Афіцыйная бачына | |||
«Сьюдад дэ Лягроньнё» (па-гішпанску: Club Balonmano Ciudad de Logroño) — гішпанскі гандбольны клюб зь Лягроньнё, Ля Рыёха. Выступае ў найвышэйшай нацыянальнай Лізе Асабаль. Хатнія матчы праводзіць у спартовым палацы Лягроньнё зьмяшчальнасьцю 3851 чалавек.
Мінуўшчына[рэдагаваць | рэдагаваць крыніцу]
Створаны клюб пачаў выступаць пад назвай «Сьюдад дэ Лягроньнё» ў 1-м нацыянальным дывізіёне і адразу ж заняў першае месца, атрымаўшы права перайсьці ў Лігу B(es). Прабыўшы ў ёй два сэзоны, у 2006 «Сьюдад» трапіў у вышэйшы дывізіён, дзе з тае пары выступае нязьменна. З 2006 року клюб атрымаў новага спонсара і быў перайменаваны на «Натурхаўс ля Рыёха».
Тым ня меней, у дэбютным сэзоне клюб ледзь не вярнуўся ў ніжэйшы дывізіён, толькі ў апошнім туры вырваўшы перамогу над «Алтэяй» і фінішаваўшы на 14-м месцы з 16-і. У наступным сэзоне «Натурхаўс» таксама змагаўся за выжываньне, падзяліўшы ў выніку 12-13-е месцы з «Гранальерсам». Найбольш удалымі сталі сэзоны 2012—2013 (3-е месца ў чэмпіянаце, выхад у фінал Кубку караля і Супэркубку Асабаль) і 2013—2014 рокаў (2-е месца ў чэмпіянаце).
Дэбют на эўрапейскай арэне адбыўся ў Кубку ЭГФ сэзону 2009—2010 рокаў, дзе клюб дайшоў да паўфіналу, саступіўшы будучаму пераможцу — нямецкаму «Лемга» — па суме дзьвюх гульняў. У наступным сэзоне клюб паўтарыў посьпех, ізноў саступіўшы ў паўфінале будучаму пераможцу — «Фрыш Аўф Гэпінгэн». Па выніках чэмпіянату Гішпаніі 2012—2013 рокаў «Натурхаўс» упершыню заваяваў магчымасьць выступіць у Лізе чэмпіёнаў; праз сэзон гэты посьпех паўтарыўся.
Дасягненьні[рэдагаваць | рэдагаваць крыніцу]
Нацыянальныя[рэдагаваць | рэдагаваць крыніцу]
- Віцэ-чэмпіёны Гішпаніі:
- 2013—2014
- Фіналісты Кубку караля: 1
- 2012—2013
- Фіналісты Супэркубку Асабаль: 1
- 2013
Міжнародныя[рэдагаваць | рэдагаваць крыніцу]
- Паўфіналісты Кубку ЭГФ
- 2009/10, 2010/11
Былыя назвы[рэдагаваць | рэдагаваць крыніцу]
- 2003—2007: Сьюдад дэ Лягроньнё (гішп. Club Balonmano Ciudad de Logroño)
Вонкавыя спасылкі[рэдагаваць | рэдагаваць крыніцу]
- Афіцыйная бачына (гішп.)
- Спорт у Ля Рыёсе (гішп.)
| |||||