Люнд

Люнд
	Люнд
	Населены пункт
	Пляц Стурторгет
	Герб
Краіна	Швэцыя
Ляндскап	Сконэ
Лэн	Сконэ
Камуна	Люнд
Дата заснаваньня	990
Горад з	990
Геаграфія
Плошча	25,75 км²
Вышыня НУМ	30 м
Часавы пас	UTC+1; UTC+2 (летні час);
Каардынаты	55°42′ пн. ш. 13°12′ у. д.HGЯO
Насельніцтва
Колькасьць	▲ 87 244 чал. (2015)
Лічбавыя ідэнтыфікатары
Тэлефонны код	046
Паштовы індэкс	22X XX
Сайт	www.lund.se
	Люнд на мапе Швэцыі Люнд

Люнд (па-швэдзку: Lund) — горад на поўдні Швэцыі, у лэне Сконэ, у аднайменным ляндскапе, цэнтар Люндзкай камуны, у прадмесьці Мальмё. Насельніцтва 87 244 чалавекі (па стане на 31 сьнежня 2015). Старажытны рэлігійны й унівэрсытэцкі цэнтар.

Гісторыя

Люнд быў заснаваны каля 990 году. Такім чынам, ён зьяўляецца, разам з Сыгтунай ды Скарай адным з найстарэйшых гарадоў Швэцыі, аднак у адрозьненьне ад вышэйназваных, ён не зьяўляецца спрадвечна швэдзкім: як і ўвесь Сконэ, ён быў далучаны да Швэцыі толькі ў 1658 годзе, а дагэтуль быў дацкім. У XI стагодзьдзі Люнд становіцца цэнтрам біскупства. У той самы час, гэта быў найбуйнейшы горад Даніі: у ім жыло прыкладна 3—4 тысячы жыхароў. Аднак пачынаючы з XIV стагодзьдзя, ён паступова страчвае сваю значнасьць з-за росту суседняга Мальмё. Неўзабаве пасьля далучэньня да Швэцыі, у 1666 годзе тут быў заснаваны ўнівэрсытэт, аднак да XIX стагодзьдзя ў ім кожны год навучалася ўсяго толькі сотня студэнтаў. На пачатку XVIII стагодзьдзя горад перажыў некалькі пажараў і чуму. У 1716—1718 гадах тут жыў і кіраваў краінай кароль Карл XII. У 1856 годзе ў Люнд з Мальмё была пракладзена чыгунка, і пачалася індустрыялізацыя гораду, а напрыканцы XIX стагодзьдзя значна павялічылася колькасьць студэнтаў. Апасьля Другой сустветнай вайны горад пачынае расьці па-сапраўднаму: насельніцтва вырасла з 40 000 чалавек у 1950 годзе да амаль 74 000 чалавек у 2000, былі пабудаваны новыя дарогі, жылыя кварталы, заснавана Вышэйшая Тэхнічная школа.

Славутасьці

Катэдра — найбуйнейшая ў Раманскім стыле катэдра Швэцыі й найстарэйшая катэдра Скандынавіі (1103 год)
Дом «Стэкет» (XVI ст.)
«Каралеўскі дом», альбо Старая Акадэмія (1578—1584)
Wickmanska gården — фахвэркавы будынак XVIII ст. (згарэў у 2002, цалкам адбудаваны ў 2004)

Транспарт

Трамвай

12 сьнежня 2020 году адбылося ўрачыстае адкрыцьцё трамвайнай лініі, якая пачала дзейнічаць на наступны дзень^[2]. Такім чынам, Люнд стаў чацьвертым у сучаснай Швэцыі горадам, які мае сваю трамвайную сетку (іншыя тры — Стакгольм, Гётэборг і Нарчэпінг), а таксама першым з 1911 году горадам, дзе была пракладзена новая трамвайная сетка.

Крыніцы

↑ Kommunarealer den 1 January 2012 (швэд.). Statistics Sweden (30 траўня 2012). Праверана 1 сьнежня 2015 г.
↑ Spårväg i Lund (швэд.)

Вонкавыя спасылкі

Люнд — сховішча мультымэдыйных матэрыялаў

[SCBMunArea-1] Kommunarealer den 1 January 2012 (швэд.). Statistics Sweden (30 траўня 2012). Праверана 1 сьнежня 2015 г.

[2] Spårväg i Lund (швэд.)

[1]

[2]