Культура (тэлеканал)

«Культура»
Краіна	Украіна
Зона вяшчаньня	Украіна
Створаны	18 кастрычніка 2002 (20 гадоў таму)
Заснавальнік	Дзяржкамтэлерадыё Ўкраіны
Уладальнік	Дзяржкамтэлерадыё Ўкраіны
Кіраўніцтва	Жанна Мазіцкая
Слоган	Усе грані мастацтва
Афіцыйны сайт	www.cultureua.com

«Культура» — украінскамоўны дзяржаўны тэлеканал Украіны, заснаваны ў кастрычніку 2002 году. У кругласутачным вяшчаньні звыш паловы часу (>12 гадзінаў) займаюць перадачы ўласнай вытворчасьці. Айчынная тэлевытворчасьць складае звыш 90% этэру (>21 гадзіна 36 хвілінаў). Дадаткова вяшчае праз спадарожнік «Азэрспэйс-1»: арбітальнае разьмяшчэньне — 46° усходняй даўгаты, частасьць — 10998,25 мэгагэрцаў, палярызацыя хваляў — вэртыкальная, хуткасьць патока — 3,57 млн знакаў/сэк., выпраўленьне памылак — 5/6.

Мінуўшчына

18 кастрычніка 2002 г. Дзяржаўны камітэт тэлебачаньня і радыёвяшчаньня Ўкраіны(uk) заснаваў тэлеканал «Культура». 10 лістапада 2004 г. Нацыянальная рада Ўкраіны ў пытаньнях тэлебачаньня і радыёвяшчаньня(uk) дазволіла тэлеканалу весьці спадарожнікавае вяшчаньне цягам наступных 10 гадоў. У верасьні 2005 г. тэлеканал «Культура» зьявіўся ў кабэльных сетках краіны. У траўні 2006 г. пачалося вяшчаньне праз спадарожнік на больш як 80 краінаў.

Вонкавыя спасылкі

• Сеціўнае вяшчаньне
• Аляксандар Курдзіновіч. Загад Дзяржакамтэлерадыё Ўкраіны ад 18 сакавіка 2013 г. № 59 Пра зацьвярджэньне Статуту Дзяржаўнай тэлерадыёкампаніі «Культура»^(укр.) // Дзяржаўны камітэт тэлебачаньня і радыёвяшчаньня Ўкраіны, 21 сакавіка 2013 г. Праверана 9 жніўня 2015 г.