Койданаўская воласьць

Зьвесткі зь Вікіпэдыі — вольнай энцыкляпэдыі
(Перанакіравана з «Койданаўскае графства»)
Перайсьці да навігацыі Перайсьці да пошуку

Койданаўская воласьць, Койданаўскае староства (да сярэдзіны XVI ст.), Койданаўскае графства (зь сярэдзіны XVI ст. да канца XVIІІ ст.), Койданаўскі маёнтак — буйное фэадальнае ўладаньне ў Менскім павеце ў XVI—ХІХ ст. Цэнтар — Койданаў. Да 1483 г. належала вялікім князям літоўскім, потым князю В. М. Вярэйскаму (Удалому), пазьней Гаштольдам, з 1542 — вялікім князям Жыгімонту I Старому, Жыгімонту II Аўгусту. У 1551—1831 гг. уласнасьць Радзівілаў, якія перайменавалі староства ў графства. З 1793 г. у Менскім павеце Расейскай імпэрыі. У 1791 г. у Койданаўскім графстве было 1300 валок (26 тыс. дзесяцін) пашы, 2324 сялянскія дымы. З канца XVІ ст. да канца ХІХ ст. у воласьць уваходзіла ад 20 да 66 вёсак. За ўдзел Радзівілаў у паўстаньні 1830—1831 гг. маёнтак канфіскаваны ў казну, у 1878 перададзены расейскім чыноўнікам Касакоўскаму і Сакалову, якім належаў да 1917 г. У 1924 годзе адміністрацыйна-тэрытарыяльная адзінка Койданаўская воласьць, разам зь Велікасельскай, Станькаўскай, Старасельскай і часткай Заслаўскай валасьцей увайшла ў Койданаўскі раён БССР.

Літаратура[рэдагаваць | рэдагаваць крыніцу]

  • Валахановіч А. Койданаўская воласць. // Энцыклапедыя гісторыі Беларусі ў 6 тамах. Т. 4. Мінск. 1997. С. 224.