Касьцёл Сьвятых Апосталаў Пятра і Паўла (Капыль)

Помнік сакральнай архітэктуры
Касьцёл Сьвятога Апостала Пятра і Паўла
Касьцёл Сьвятога Апостала Пятра і Паўла
Краіна	Беларусь
Места	Капыль
Каардынаты	53°09′04,58″ пн. ш. 27°05′30,82″ у. д.^HGЯO
Касьцёл Сьвятога Апостала Пятра і Паўла на мапе Беларусі Касьцёл Сьвятога Апостала Пятра і Паўла
Касьцёл Сьвятога Апостала Пятра і Паўла на Вікісховішчы

Касьцёл Сьвятога Апостала Пятра і Паўла — помнік архітэктуры XIX стагодзьдзя ў Капылі. Знаходзіцца ў цэнтры места, на гістарычнай Слуцкай вуліцы^[a]. Твор архітэктуры рэтраспэктыўнай готыкі.

Утвараў адзіны ансамбль з мураванай 3-аркавай брамай. У 1950-я гады савецкія ўлады да непазнавальнасьці перабудавалі касьцёл пад рэстаран.

Гісторыя

Вялікае Княства Літоўскае

Першы драўляны касьцёл у Капылі збудаваў у 1439 годзе Міхал, сын вялікага князя Жыгімонта Кейстутавіча.

Пад уладай Расейскай імпэрыі

Па другім падзеле Рэчы Паспалітай, калі Капыль апынуўся ў складзе Расейскай імпэрыі, касьцёл працягваў дзеяць. У 1856 годзе драўляны касьцёл згарэў.

У 1859—1864 гадох вялося будаваньне новага мураванага касьцёла. У 1908 годзе да касьцёла дабудавалі званіцу. На 1912 год налічвалася 3830 парафіянаў.

Найноўшы час

У 1930-я гады савецкія ўлады зачынілі касьцёл. У 1950-я гады яны часткова зруйнавалі помнік — да непазнавальнасьці перабудавалі яго пад рэстаран^[1].

Архітэктура

Помнік архітэктуры рэтраспэктыўнай готыкі. Гэта была магутная 3-нэфавая 2-вежавая базыліка з 5-граннай апсыдай. Агульны 2-схільны дах на галоўным фасадзе закрываўся 2-гранным шчытом. Будынак аздабляўся фіяламі ў аснаваньні шатроў чацьверыковых вежаў, аркатурнымі пасамі. Сьцены праразаліся стральчатымі аконнымі праёмамі.

Усярэдзіне апсыда і тарцы бакавых нэфаў вылучаліся драўлянымі разнымі алтарамі. На левай сьцяне прэзьбітэрыюму месьціўся драўляны амбон^[2].

Галерэя

Гістарычныя здымкі
1914 г.
1914 г.
1930 г.
1948 г.

Заўвагі

↑ Цяперашні афіцыйны адрас — плошча Леніна, 17

Крыніцы

↑ Копыль (рас.). Глёбус Беларусі. Праверана 20 лютага 2012 г.
↑ Кулагін А. Каталіцкія храмы Беларусі. — Менск, 2008. С. 423.

Літаратура

Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

Касьцёл Сьвятога Апостала Пятра і Паўла ў Капылі, Radzima.org

[1] Цяперашні афіцыйны адрас — плошча Леніна, 17

[2] Копыль (рас.). Глёбус Беларусі. Праверана 20 лютага 2012 г.

[3] Кулагін А. Каталіцкія храмы Беларусі. — Менск, 2008. С. 423.

[a]

[1]

[2]