Капліца Сьвятога Казімера (Ружаны)

Славутасьць
Капліца сьвятога Казімера
Краіна	Беларусь
Мястэчка	Ружаны
Каардынаты	52°52′11.05″ пн. ш. 24°53′48.50″ у. д.
Канфэсія	каталіцтва
Тып будынка	капліца
Архітэктурны стыль	клясыцызм
Аўтар праекту	Ян Самуэль Бэкер
Дата заснаваньня	1792
Статус	ахоўваецца дзяржавай
Стан	закінуты
Капліца сьвятога Казімера на мапе Беларусі Капліца сьвятога Казімера
Капліца сьвятога Казімера на Вікісховішчы

Каплі́ца сьвято́га Казі́мера, таксама Касьцё́л сьвятога Казімера — каталіцкі храм у Ружанах Пінскае дыяцэзіі. Помнік архітэктуры раньняга клясыцызму.

Мінуўшчына

Пабудову капліцы зафундаваў уласьнік ружанскага маёнтку Аляксандар Сапега. Праект выканаў саксонскі архітэктар Ян Самуэль Бэкер. Будаўніцтва зьвязваюць з мошчамі сьвятога Казімера, якія ў сярэдзіне XVII стагодзьдзя захоўваліся ў ружанскіх уладаньнях Сапегаў.

Першапачаткова капліца ўваходзіла ў склад комплексу базыльянскага кляштару.

Архітэктура

Будынак мураваны прастакутны ў пляне, накрыты двухсхільным дахам. Па пэрымэтры будынку праходзіць прафіляваны карніз.

Прастакутныя высокія вокны. Уваходныя дзьверы і бакавыя нішы аздобленыя ліштвамі.

Сьцены ў інтэр’еры завершаныя карнізам. Алтар мураваны ў выглядзе портыку дарычнага ордэру.

Літаратура

• Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
• Zbigniew Hauser. Nowy ilustrowany przewodnik po zabytkach kultury na Białorusi. — Warszawa: 2005. — ISBN 83-87654-25-6

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  113Г000641

Капліца Сьвятога Казімера (Ружаны) — сховішча мультымэдыйных матэрыялаў

• Капліца Сьвятога Казімера , Radzima.org
• Касьцёл сьв. Казімера^(рас.) на «Глобусе Беларусі»